Ya min tu nedîtiye

Vê þevê bi tenê me

Li kolanên mijgirtî

Niha demê wê ye were,

ji kerba diçim û têm,

bibêje, were

dema wê ye, bibêje..

ya min tu nedîtiye.

Birînên min demeke tirsê ne

Asîman li ber lingê te dîlanê digerîne

Sirûdên min, sermemikên xewna te dinoþin,

li nav xewnên min,

kenê te ayet e, li piþt derî ye.

Tiliyên te, sîberên westiyayî

zimanekî nepenî

hêlîn di dilê min de.

Dar e, li ser sîtava lêvên min

wiha dûr e

wiha êþ e

wiha çol û beyar e

wiha ken e

û wiha ya min tu nedîtiye.

Ferîþte ye, hêviyên xwe li ser evîna me radixe.

Tîpên tirsa min, di valahiya ewrekê de,

têkilî pêlên derya dibin.

Tav û birûsk in, þev

Poþmaniya keskesorê, kevalê rêka kadiza

Ji bo diyonîsos, bilûra xwe dilorînim

Strana berê spêdê di meya lêvên te de, dimijim

Jiyana min, li ber destê Hephaistos, dibe toz.

Pêl xwe davêje ser pêlê.

Bêdeng… bêdeng

Tu wêneyekî di helbesta min de.

De were keleþgewra min

Þev e, zimanekî bêdeng e

Þeva min bi girnijîna xwe bixemilîne.

Sal, heft asîmanan mijankên te vedihûne

Tu dûr î,

mirin jî kêfa xwe dike

havîn dide pey Buharê,

têm,

striyên salê tazî ne.

Strana Orpheus xemên min dirêse

rondikên te, li xewna min mêvan in.

E.mail bo te têra evîna min nakin.

Dergeh vekirî ne

Xêzên ronîdar hene.

Di sîtava belgan de

Tîrêjên hetavê hatin.

Toz bi ser xewnên me de,

mêrgên asîman î reþ.

Li ser dêmên van þevan, gula min

Þûþa dengê te nivist,

Tawisê min,

Govenda te awaza li xemên min û te giryan.

Li nav sîtava lêvên min, darekê biçîne

Wiha dûr

Çol

Êþ

Ken

Û wiha

Ya min tu nedîtiye.

Divê tu rijd bî,

Roj derdikeve.

Aso vekirî ye

Were dîlbera min

Were

Ya min tu nedîtiye.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

07-05-2008 09:10   Editor Published in Nivîskar, Tengezarê Marînî

This entry was posted on 07-05-2008 09:10  . You can follow any responses to this entry through the RSS 2.0 feed. This article was favoured 1 time. You can leave a comment. Last update on 07-05-2008 09:10
Views: 40

Users' Comments (0)

Average user rating    (0 vote)

No comment posted