Mal Mem Mîrxan Artêþa Tirk ji AKP'ê avis bûye

Artêþa Tirk ji AKP'ê avis bûye

 
Çima Artêþa Tirk ku wekî parastvana kemalîzmê xwe bi nav dikir di van rojên dawî de ev qas bêdeng e? Çi guherî ku Buyukanit ev qas ji siyasetê dûr bikeve?

Dengeyên Artêþa Tirk û AKP’ê yên beriya hilbijartinê gelek guherîn. Serokomarî, YOK û herî dawî jî meseleya turbanê nîþan dide ka lihevkirina Buyukanit û Erdogan çiqas kûr e. Lê xaleke gelek muhim heye û ew jî têkiliya di navbera meseleya turban û Çeteya Ergenekonê de ye. Beriya ku meseleya turbanê bê rojevê, hikûmeta AKP’ê bi piþtgiriya Amerîkayê operasyonek li hemberî hin çeteyên koka wan bi artêþê ve girêdayî pêk anî. Qaþo hin çeteyên ku li dû aloziyê bûn ‘tasfiye kirin’. Lê rastî ne ew bû û rastî her ku diçe aþkeratir dibe.

Rastiya meseleyê ev e; bi hevdîtina Buyukanit û Erdogan a li Dolmabahçeyê pêvajoya kêmkirina nakokiyên di navbera hikûmet û artêþê de dest pê kir. Her du alî jî di wê baweriyê de bûn ku zêdebûna nakokiyên di navbera wan de derfetê dide derdorên din xurt bibin. Jixwe destebirayê wan Bush jî her du alî li Qesra Spî anîn cem hev û ji wan xwest ku li hev bên. Bêguman xwest ku her du alî bikevin xizmeta Washingtonê.

Niha pirsa esasî ew e ku gelo çima Artêþa Tirk a ku her dem xwe wekî temînat û garantiya kemalîzmê bi nav dikir li dijî þikandina kelehên kemalîzmê yên wekî; Çankaya, YOK û serbestkirina turbanê bêdeng ma. Çawa bû ku ev qas ‘demokrat’ bû?..

Li gorî þîrove û agahiyên ku der barê doza Ergenekon û Daniþtayê de tên kirin ev çeteyên ku pêþengiya wan Velî Kuçuk û yên hatine girtin dikir ne bi tenê ne. Delîl hene ku ling û þaxên vê çeteyê di nav Artêþê de hene. Ango van hêzan tenê bi çalakiyên xwe yên kaotîk dixwest þert û mercan ji ‘baskekî di nava artêþê de’ amade bikin ku darbeyê pêk bînin. Ango yên darbe pêk anîban ne Velî Kuçuk û hevalên wî yên girtî bûn. Heta hin îdia hene ku tîrên vê mijarê digihijin hin generalên mezin ên ku yawerên (cîgir) Buyukanit jî.

Her wiha çavkaniyên ku dosyaya dozê ketiye ber destê wan aþkera dibêjin ku kesên ku bi navê Çeteya Ergenekonê hatine girtin rola ava destnimêjê lîstiye ji bo artêþê. Ango bi girtina wan pêþî li aþkerabûna têkiliyên çete-leþer û çete-siyasetê hatiye girtin.

Em li vir kevanekê vekin û hin tiþtan bînin bîra we;

Pir balkêþ bû ku kujer û êrîþkarê Daniþtayê Alparslan Arslan di mehkemeya xwe ya dawîn de bang li Erdogan û Gul kir ku êdî þerîatê îlan bikin û ji Artêþa Tirk jî rica kir ku pêþî li îlankirina þerîatê negire. Heman zatî gotiye heke pêþî li îlana þerîatê bê girtin ‘dê Tirkiye bibe gola xwînê’. Ev bûyera lokal jî nîþan dide ku têkiliyên Çeteya Ergenekonê ne yekalî ne û ne wisa sererd in. Lewre jî aliyên wê yên binerd zêdetir in. Çimkî heman Alparslan Arslanî dema êrîþa çekdarî pêk anîbû jî wiha gotibû; ‘Tiþtekî ku ez bêjim nîn e. Jixwe di demeke kurt de dê li Tirkiyeyê darbe çêbibe û ez jî dê serbest bêm berdan’.

Niha dîsa em bên ser meseleya bêdengiya Buyukanit û Artêþa Tirk li hemberî hin pêkanînên desthilatdariya Erdogan. Operasyona Ergenekonê bi qebûlkirina Buyukanit pêk hat. Lê bi þertekî; divê operasyon kesên di nav Artêþa Tirk de nede ber xwe. Daxuyaniya Buyukanit a wekî; ‘TSK ne rêxistina sûc e’ jî nîþana vê xweparastinê ye. Ango çi dikin bikin lê tevli artêþê nebin. Þertekî din jî ew bû Hikûmeta AKP’ê xeta êrîþkar û înkarê ya li dijî gelê kurd bi temamî qebûl bike. Jixwe Amerîkayê starta vê dabû.

Gelo wekî din çi peyman û hesab di bin Operasyona Ergenekonê de hebûn?

AKP’ê piþtî operasyona li hemberî Çeteya Ergenekonê demildest meseleya turbanê anî rojevê.

Tabî di peymanên bi vî rengî de gelek hîle jî derdikevin holê. Lê bêdengiya Artêþa Tirk nîþana avisbûnê ne. Hikûmet ji aliyekê di polîtikayên înkarê de xeta artêþê li dijî kurdan didomîne, ji aliyê din ve jî peyama; ‘em ê heta dawî biçin ser çeteyan’. Li aliyê din jî ji yek bi yek daxwazên xwe yên dîrokî bi cih tîne û peyama; ‘tu biaxivî em ê belgeyên Ergenekonê aþkera bikin’ dide Buyukanit.

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;