Mal Luqman Guldive NEWROZ

NEWROZ

 
Êdî ne rojek û du roj cejn û roþan e. Newroz li gelek rojan belav dibe. Ji ber ku azadî rîþ û þaxên xwe ber dide tevahiya rojan. Kengî kurd bi tevahî azad bibin, wê dem û salê bi tevahî bi Newrozê tacîdar bibin. Newroz a berê rojekê dihat pîrozkirin, niha di nava gelek rojan de tê pîrozkirin û pîrozkirina Newrozê li Amedê xweþ e. Newroz cejna vejîn û berxwedanê ye. Kurd û kurdistanî bi Newrozê li xwe vedigerin, hiþyar dibin û xwedî li nirx û buhayên xwe derdikevin. Gelê Kurd ji bo vê yekê jî bêyî dudil bibe bi hezaran þehîd û berdelên giranbuha dide. Ji ber ku kurd ji her demê zêdetir his dikin ku Berxwedan Jiyan e.

Kurd û kurdistanî Newrozeke din ji her demê zêdetir bi coþ pîroz dikin. Ji her demê zêdetir xwe nêzî azadiyê his dikin. Ji lewra ji heft salî heta heftê salî her kes bi heyecan tevlî pîrozbahiyan dibin.

Newroz êdî rojek wisa ye, miriyan ji qebrê radike û ji nû ve ruh pê dixîne. Newroz bi destpêka buharê re vejîn û rabûna serpiyane. Ji ber ku Newroz serhildan e.

Gelê kurd û kurdistanî bi Newrozê ji nû ve li hêza xwe hayil dibin û radibin ser piyan. Newroza 2008'an jî nîþaneya vê yekê ye. Gelê kurd careke din îradeya xwe nîþanî her kesî daye.

Gelê kurd û kurdistanî bi vê Newrozê beyan dikin ku ew dixwazin bi çand û zimanê xwe, bi awayekî azad û demokratîk bijîn. Ji lewra her pîrozbahiya Newrozê, di heman demê de pîrozbahiya serketina paþerojê ye.

Gelê kurd û kurdistaniyên bi van his û hestan radibin, êdî tu car û tu hêz nikare stû li wan bitewîne. Koletî û bindestî nabe ku bêne qebûlkirin. Di ferhengê de êdî cihê wan nîne.

Gelê kurd û kurdistanî bi van pîrozbahiyên Newrozê careke din li pêþ çavên her kesî asta bîrûbawariya gihîþtinê nîþan didin. Bi vê re jî ji her kesî re dibêjin; 'Êdî Bes e'

'Êdî Bes e' ji her zordestî û bindestiyê re. 'Êdî Bes e' ji her cure asîmîlasyon û tinekirinê re. 'Êdî Bes e' ji jiyaneke li derveyî azadiyê re.

Newroz banga azadiyê ya gelê kurd û kurdistaniyane. Banga bi hev re jiyan, wekhevî û demokrasiyê ye. Banga ked û xebatê ye.

Bi banga Newrozê gelê kurd û kurdistanî riya xwe ji hemû cîhanê re eþkere dikin. Lewma yên vê bangê nebihîsin, divê ji guh û dilê xwe gumanê bikin. Ji ber ku Newroz nîþankirina jiyaneke mirovane ye.

Newroz rêresmeke azadiyê ye. Çandeke serbilindî û serberziyê ye. Desteke dirêjî destê paþerojê dibe, lewma hêviye ji bo siberojên mirovane.

Bi Newrozê îro weke ti rojê nîne. Newroz bang dike û diqîre; wê ji îro pê ve zeman û demê weke berê nebuhure. Eger bibe wê azad bibe yan jî wê hîç nebe.

Newroz biryar, îman û jiyan e. Newroz gavavêtina ber bi azadî û demokrasiyê ye.

Newroz tifaq, hevgirtin, rêz, þêwr, civat û rêxistine.

Newroz rojeke nû ye, rojeke bi xêr û ber e.

Roja nû, roja azadî û demokrasiyê, roja vejîn û berxwedanê li her kesî pîroz be.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;