Mal Luqman Guldive Li gorî dilê xwe

Li gorî dilê xwe

 
Em ketin hewaya Newrozê. Ji bo kurdan pêvajoya roþan û cejnê ye. Di vê demê de mirov mîna bikevin ayînekê wê xwe ji nû ve di ber çavan re derbas bikin û li xwe guhdarî bikin. Wê vê yekê jî bi çalakiyên xwe nîþan bidin û bi wan biwezinînin. Ez jî dixwazim di vê nivîsa xwe de vê bikim. Yanî ez dixwazim, li gorî hewaya Newrozê hinekî bipîvim, biwezinînim û bifesilînim.

Rojane bûyer diqewimin. Daxuyanî têne dayîn. Ji her yekê mirov dikare gelek rastiyan û têgihîþtinan bibîne. Ango mirov dikare bibêje dîrok her roj ji nû ve xwe nîþanî me dide. Bala xwe bidin daxuyaniyên serokwezîr û rayedarên dewleta tirk. Her roj, bêyî ku þerm bikin, li nava çavên me temaþe dikin û ji me re dibêjin; 'Hûn tine ne. Eger hûn hebin jî hûn terorîst in.'

Em kurd mirovên dilþo û dilpak in. Ji kesên wisa re jî di nava siyaseta îro ya cîhanê de safik dibêjin. Ji ber ku mirovatî erzane li cem kapîtalîst, emperyalîst û zordestan. Lê bi rastî, em li gorî dilê xwe li bûyeran temaþe dikin û wer bawer dikin ku her kes weke me difikire yan jî wê bifikire. Lê mixabin wisa nîn e.

Gelê kurd ê hiþyarbûyî di her firsendê de behsa çareseriyê dike. Dagirker jî li gorî xwe behsa çareseriyê dikin û dibêjin; 'Pirsgirêk tenê bi sîlehê çareser nabe. Pêwîst e tedbîrên siyasî, aborî û çandî jî bêne girtin.' Niha wexta hûn yekser li vê hevokê binerin, baþ û li cih xuya dike. Hûn dikarin bifikirin ku niyeteke baþ a ji bo çareseriyê heye. Lê mixabin wisa nîn e. Werin em bi hev re niha hevokê tefsîr û tehlîl bikin. Dagirker wexta dibêjin; 'Pirsgirêk tenê bi sîlehê nayê çareserkirin' dixwazin bibêjin; pirsgirêk tenê bi sîlehê ji holê nayê rakirin ango ji bo hûn pirsgirêkê ji holê rakirin, divê hûn pere birijînin herêmê, siyasetê baþ bikin yanî wan bixapînin û bi riya çandê, çanda tirkî wan asîmîle bikin. Ji lewra pakêtên çareseriyê yên behsê dikin jî pêwîst e di vê çarçoveyê de were fêhmkirin. Jixwe pere û sermaya dibêjin; em ji herêmê re vediqetînin pirranî diçe sîlehê û projeya GAP’ê. Projeya GAP’ê jî her kes dizane çend bi tesîre li mêzînên herêmê. Dewleta tirk bi vê projeyê hem gefan li welatên cîran dixwe û hem jî demografiya li Kurdistanê xira dike.

Ji bo çareseriya pirsgirêka Kurd gavên bêne avêtin girîng nîn in. Ya girîng ew e ku pirsgirêka kurd were qebûlkirin. Rayedarên dewleta tirk hemû daxuyaniyên xwe di çarçoveya înkar û îmhayê de didin. Hin gavên qaþo hatine avêtin jî ji bo çareseriyê nînin, ji bo xapandinê ne. Bala xwe bidinê, hûn dema behsa mafekî biçûk jî dikin, rayedarên dewleta tirk dibêjin; 'Piþtî vê mafekî din û piþtî yê din jî yekî din, bi vî awayî welatê ber bi parçebûnê ve biçe.' Çima wisa difikirin? Ji ber ku mejiyê vê dewletê heþtê sale li ser îmha û înkarê þikil girtiye. Eger em vê yekê wisa rast fêhm bikin. Em dikarin riyên ku karibin xwe bigihînin vî mejiyê kawik jî bibînin. Yanî divê em li gorî dilê xwe tenê li meseleyê temaþe nekin.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;