Wekîlên qatilan!

Kurdên Erdogan li qatilan xwedî derketin û gel sûcdar kir

 ENQERE - Serokwezîr Dewleta Tirk Recep Tayyîp Erdogan piþtî hevdîtina bi Serokdewletê yê Amerîkayê re ku di 5’ê mijdara 2007’an pêk hatibû, di vegera xwe de çû hin welatên Ewropayê û ji wir peyam þandin. Erdogan gotibû 75 parlemanterên min ên ‘esilkurd’ hene.

Erdogan ev peyam bi wateya ‘DTP kurdan temsîl nake dabû.’ Ji wan 75 parlamenterên Erdogan ên esilkurd 5 jê ji Wanê ne. Parlementerên Erdogan ên Wanê ku bi eslê xwe kurd in piþtî bûyerên di pîrozbahiyên Wanê de derketin, ji bo ku gunehên hêzên paramilîter ên bixefirînin daxuyaniyeke hevpar da û gelê Wanê yê ku xwestiye Newroza xwe pîroz bike sûcdar kir.

Parlementerên ‘esilkurd’ ên AKP'î ku li hemberî bûyerên di encama mudaxeleya polîs û leþkeran a li dijî pîrozbahiyên Newrozê bi rojan dom kirin û bûn sedema mirina 2 kesan, bêdeng mabûn, gel sûcdar kirin. Parlamenterên Wanê yên AKP'ê ku di navbera wan de Wezîrê Perwerdehiyê Huseyîn Çelîk jî di nav de, 'Bêyî soza Wezareta Karên Hundir dayî û sedema nedayîna destûrê vebêjin' îdia kirin ku bûyer ji ber israra gel derketiye.

Piþtî bûyer bi dawî bûn sedema mirina 2 kesan, parlamenterên Wanê yên AKP'ê yên wekî Wezîrê Perwerdahiyê Huseyîn Çelîk, Îkram Dînçer, Kerem Altun, Gulþen Orhan, Kayhan Turkmenoglu bi daxuyaniyeke hevpar a nivîskî bûyerên Wanê nirxandin.

Têkilî bi Walî û Midûr re danî ye!

Di daxuyaniyê de hate îdîakirin ku hikûmetê ji bo ku pîrozbahî di 21'ê Adarê de bê bûyer bi dawî bibin ji hemû deveran re giþtînameya weþandiye û rayedarên herêmê hiþyar kirine. Di daxuyaniya parlamenterên kurd ên AKP'î de hate bibîrxistin ku DTP'ê xwestiye li Wanê di 22'ê adarê de pîrozbahiyê li dar bixe û wiha hate îdiakirin: "Di dema derketina bûyeran de em bi Wezîrê Karê Hundir, Musteþarê Wezaretê, Waliyê Wanê, Midûriyeta Polîsan a Wanê re axivîne û tiþta pêwîst hatiye kirin."

Gelê Wanê bûyer derxistin!

Di daxuyaniyê de hate derbirîn rayedarên Wanê diyar kirine ku bi boneya 'Dê ji bajarên din jî gelek kes beþdarî Newroza 22'yê adarê bibin ji bo wê qedexe kirine'. Di daxuyaniyê de berpirsiyariya bûyeran ji gel û DTP'ê re hate birîn û wiha hate gotin: " Ligel ku di 22'yê adarê de destûr nehate dayîn, helwesta komeke ku di nava wan de hin parlamenter jî hebûn bû sedema bûyeran û bûyerên xemgîn derketin holê. Di van bûyeran de ku welatiyekî me jiyana xwe ji dest da, hinekî hêzên me yên ewlekariyê û welatiyên me birîndar bûn."

Behsa sedema qedexekirinê nekirin

Di daxuyaniyê de behsa sedemên qedexekirina pîrozbahiya 22'yê adarê nehate kirin û bi wiha hate gotin: "Ji bo lêkolînkirina bûyeran, tespîtkirina kesên ku berpirsiyariya wan di bûyerê de heye, derdorên bûyer sor kirine û tespîta ziyanan mufetîþek þandiye. Kesên cejna biharê ku pirxweþ û paqij e, dikin parçeyekî tirsê, terorê û þîdetê, di encama vê yekê de zirarê didin jiyan û malê gel, ligel ku sûcdar in mafê wan tune ye sûcê xwe bavêjin ser cihên din. Di dewleta hiqûqê de prensîb û krîterên hiqûqê serdest in. Kesên ku alîgirê aþtî, xweþbînî û serfiraziyê ne neçar in ku li gorî zagonan û krîteran tevbigerin."

Li qatilên gel xwedî derketin

Parlamenterên Wanê yên ‘esilkurd’ di daxuyaniya xwe de qala hovîtiya polîs û leþkeran a li hemberî dayikên kurd ên bi kiras û fîstanên rengîn tevli pîrozbahiyên Newrozê bûne nekir. Polîsên ‘robokop’ di pîrozbahiyên Newrozê de bi emrê amirê xwe ewilê dikevin rêza êrîþê û êrîþ dikin ser girseya li ser agirê Newrozê govend girtibû. Di dema êrîþê de ev diyalog di navbera polîsan de derbas bibûn; Amirê polîsan digot: Rêza êrîþê bigirin… Amade bin… êriþ…

Tiþtên piþtî vê fermanê bi dehan caran di televîzyonên cur bi cur de hatin weþandin. Lê Parlamenterên Wanê yên ‘esilkurd’ qet behsa vê hovîtiyê nakin û ligel ku li gel xwedî derbikevin gel sûcdar dikin û li polîs û leþkerên êrîþkar xwedî derdikevin.

Li aliyekî meþ li aliyekî jî taziye didomin

COLEMÊRG / EDENE / RIHA - DÎHA - Serdanên sersaxiyê yên ji bo malbatên Zekî Erînç û Îkbal Yaþar ku di bûyerên li Wan û Geverê di pîrozbahiyên Newrozê de qewimîn de jiyana xwe ji dest dan, didomin. DTP'a Ceyhana Edenê û DTP’a Pirsûsa Rihayê bi meþ û çalakiya rûniþtinê helwesta dewletê protesto kir.

Serdanên sersaxiyê yên ji bo malbatên Zekî Erînç û Îkbal Yaþar ku di bûyerên li Wan û Geverê di pîrozbahiyên Newrozê de qewimîn de jiyana xwe ji dest dan, her diçe zêde dibin. Taziyeya Yaþar a li Taxa Ganî Haydar, ji aliyê komek qelebalix ve hate ziyaretkirin. Þaredarê Colemêrgê Kazim Kurt, Serokê Rêxistina DTP'ê ya Colemêrgê Hasan Guzel jî di nav komê de bûn. Nêzî 3 hezar xwendekarên dersxaneyê jî kortejek ava kir û hatin serdana malbatê. Xwendekaran posterên Rêberê KCK'ê Abdullah Ocalan hilgirtin û sloganên “Kujer Zeydan”, “Mirov dimirin Zeydan”, “Bijî Serok Apo” û “Kujer Erdogan" avêtin. Xwendekar piþtî serdanê, belav bûn. Ji bo Erînç ê li Wanê jiyana xwe ji dest da jî li Taxa Xaçortê kona sersaxiyê hatiye vekirin. Komên qelebalix tên serdana malbatê. Þaredara Bazîdê Mukaddes Kubîlay, rêxistinên DTP'ê yên Agirî, Bedlîsê û navçeyan jî di nav de bi sedan kes hatin serdana malbata Erînç.

Li Ceyhanê bi sedan kes meþiyan

Rêxistina DTP'ê ya Navçeya Ceyhanê, mudaxeleya tund a polîsan a li hemberî pîrozbahiyên Newrozê yên li Wan, Colemêrg û Geverê, protesto kir. Li Bûlvara Orhan Kemal bi sedan kesan meþ li dar xist. Di meþê de sloganên "PKK gel e gel li vir e", "Ocalan", "Silav silav ji Îmraliyê re hezar silav", "Em ji pêkutiyan bêzar nabin" hatin avêtin û dowîzên 'Gelê Wan, Colemêrg û Geverê tenê nîn in', 'Êdî Bes e', 'Destên dirêjî gelê sivîl dibin bila biþikên' hatin hilgirtin. Piþtî meþê, girse li dawiya kolanê sekinî û Serokê DTP'a Ceyhanê Seyfettîn Aydemîr li ser navê girseyê daxuyanî xwend û helwesta polîs û leþkeran a li hemberî gel þermezar kir.

‘Polîsan hovîtî kiriye’

Nêzî 200 kesên li ber avahiya DTP'a Navçeyê hatin cem hev, bi sloganên "Bijî serok Apo", "Ocalan", "Gelê Serhedê ne bi tenê ye", "Wê kujer hesabê bidin gel" heta Qada Cumhuriyetê meþiyan. Koma di dema meþê de dowîzên "Agirê Newrozê wê kujeran biþewitîne" û "Bila kujer bên darizandin" rakirin. Serokê Rêxistina Navçeya Pirsûsê Ahmet Yenîlmez ku li ser navê komê daxuyanî da, diyar kir ku polîsan bi awayekî hovane êrîþî gel kiriye.

27-03-2008 12:54 Editor Published in Politîka, Politîka

This entry was posted on 27-03-2008 12:54. You can follow any responses to this entry through the RSS 2.0 feed. This article was favoured 7 time. You can leave a comment. Last update on 27-03-2008 12:54
Views: 154    

Users' Comments (0)

Average user rating    (0 vote)

No comment posted