'Yekparçeyî Xakî Iraq!'

Zor sexte enalîzêkî rast bo Iraqî êsta bikrê, Seddam Husên ruxa welê paþmawey zihnîyetekeyey hêþta be pêweye u roxanî hênde asan nîye, le nîsanî 2005 da 10 milyon iraqî dengayan be desturî hemîþeyî Iraq da ke cexit le ser Fidralî dekatewe le sistemî Idarî Iraq da.

Turkya, Iran u Surya u zorbey wlatanî Erebîþ le astî derewe u erebe regezperistekan le astî nawxo da karî cidîyan kird bo ewey ke ew desture le zor xalîda ke be 60 made mezende dekirê hemwar bikrêtewe u hewlekeyan ta êsta serkewtû biwe hîç nebê neyan hêþtiwe ke doxî asayîþî Iraq aram bê u herduþ le ser yekparçeyî xakî Iraq hawra bun u wek sirtatîjîyekî destlênedraw karyan bo kird. Erebe regezperistekan ta êstaþ çawerêy ewen ke desturî niwêy hemwar kiraw meseley Fidralî welawenê u cêbecêy neka u le bîryan çiwe ke 17 sale Iraqî yek pareçe mird u birayewe u welê car u bar bew biraraney le astî nêwneteweyîda dederê tuþî þoke debin u dest be hereþe u gureþe u danî peyamî regezperistane dekenewe.

Pirojebiryarekey endamî encumenî pîranî emerîka Cozef Baydin le ser dabeþ kirdinî Iraq u erê kirdinî biwe agirêk le hêz sîyasîyekanî Iraq Kewtewe. cige le kurd hemu hêze sîyasîyekan le dijî rawestan, le bîryan kirdwe ke 10 milyon xelkî Iraq dengyan bo dawe u ta êstaþ umêdyan be geranewe bo serdemî yekparçeyî u nawendêtî destelat heye le Bexdad.

Ewey demênêtewe geranewey nawçe dabirawekane bo ser herêmî Kurdistan u behêzkirdinî pêgey kurde le nawçeke ke ewe xoy le xoy da giringtirn erkî Kurd u hêze sîyasîyekan u damudezgakanêtî.

Eweþ le serubendêk da ke çi Iran, çi Turkya u Suryaþ surin le ser sîyasetî Nikulî le beramber mafekan u hebunî gelî Kurd, her yekey be peyrew kirdinî sîysetêk gelî Kurd serkut dekat u beweþewe nawestin peymanî hawkarî imza deken le dijî PKK.

Takî Kurd mafî heye ew pirse bika katê erebî Iraqî sunnî u þiyî le nêw þer u nakokî da yektir nuqmî xiwên deken, belam le ser yekparçeyî xakî Iraq hawbîrin, hêze sîyasîye kurdîyekan le ast ew hemû guþary Iran u Turkya bo be tîrorîzekirdinî gelî Kurd çî deken-? Dîblomasîyetîan çîye? Le jêr ew hemû pîyaheldaneyan be AKP u Iranda çî heye? Le katêkda ke be berçawî hemû cîhan xakî Rojhelat u Bakurî Kurdistan milîtarîze kirawe u rojne Baþurî Kurdistan borduman dekirê. Kurd pêwîstî be yek dengî heye belam le ber berjewendî tengî hizbayetî, derfetêkî mêjuyî le dest deçê ke min pêm waye xoragirî Kurd detwanê zor qazancî mêjuyî legel xoy bênê.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

05-10-2007 15:50 Published in Nivîskar, Necîbe Qeredaxî

This entry was posted on 05-10-2007 15:50. You can follow any responses to this entry through the RSS 2.0 feed. This article was favoured 30 time. You can leave a comment. Last update on 05-10-2007 15:50
Views: 490    

Users' Comments (0)

Average user rating    (0 vote)

No comment posted