Tepa min li te kumê min li serê te

Xeta yekemin; “qaþo parçekirina welat û cudaxwazî”,

Xeta dûyemîn jî ;“hilweþandina laisîzmê, bi gotineke din xeta daxwaza þerîetê” ye.

Pêþkêþiya xeta yekemîn partiyên kurdan dikin. Jixwe ev partî jî piþtî serhildana gelê kurd derketin qada siyasetê. Avakirin û girtina HEP’ê, OZDEP’ê, DEP’ê, HADEP’ê, hîn jî têne nîqaþkirin. Xala hevbeþ a di navbera van partiyan ev e. “Têkoþîna ji bo mafên gelê kurd, siyaseta legal û rewa”

Lê dewletê tu carî wisa li wan nenihêrî. Ev weke partiyên ‘navenda parçekirina Tirkiyeyê, navenda hereketa cudaxwaziyê’ dîtin. Û hemû partî li pey hev girtin.

Heta îro.

Niha jî dor hatiye ser Partiya Civak a Demokratik (DTP). Bi hinceta girtinê doz lê hatiye vekirin. Her çiqas di Makezagonê de girtina partiyan dijwartir jî kiribin (divê di daniþînê de ji 12 heb dozgeran 7 ên wan ji girtinê re bibêjin erê) jî, ji ber ku di saziyên bilind ên dewletê de tu carî cih nadin dostên gelê kurd wê bi yekdengî biryara girtina DTP’ê bidin. Heta ji derveyî dozgeran Baykal, Bahçelî, Erdogan û gelekên din jî tevî ku mafê dengdayîna wan tune be jî wê destê xwe bilind bikin.

Di vê dozê de ji 220 siyasetmedar, rêvebir û þaredarên kurd re jî biryara qedexekirina siyasetê tê xwestin. Dema mirov li wê lîsteyê û navên ku tê xwestin qedexe bibin dinêre þaþ dimîne. Ji hemû rêvebirên DEHAP’ê, HADEP’ê, Partiya Azad û DTP’ê re biryara qedexekirinê dixwazin.

Ez dibêjim di þûna yeko yeko qedexekirinê de, bila xalên makezagona veþartî di makezagonê de bi cih bikin û aþkera binivîsînin “ li ser çi navî dibe bila bibe û kî dike bila bike, li Tirkiyeyê; tu kesek an partiyek nikare li ser navê gelê kurd siyasetê bike”. Ew çax hem wê dewlet rehet bibe hem jî gelê kurd. Û helbet em ê ji xwe re li riyeke din bigerin.

Xeta duyemîn ; xwestina xeta þerîetê

Ev siyaset ji Partiya Milli Nizam dest pê dike. Piþtî ew bi hinceta “ bûye navenda dijatiya laisizmê”tê û girtin û gelek partiyê din li ser heman bîrdoziyê wek Partiya Selamet a Millî, Partiya Refahê, Partiya Fazîletê tên avakirin. Lê wek kevneþopiyekê hemû partiyên navborî di domana demê de yek bi yek têne girtin. Niha jî dozgeriyê ji bo girtina AKP’ê doz vekir. Û di serî de serokomar û serokwezîr ji 70 kesî re jî qedexekirina siyasetê tê xwestin. Gotineke pêþiyên me kurdan heye dibêjin;“Tepa min li te, kumê min li serê te”

Belê çiqas ew ji kum hez jî bikin niha kumê me li serê AKP’ê ye. Hemû êþên me kiþandin û niha jî em dikiþînin bi rasthatinek û lêhatineke dîrokî wê Erdogan û patiya wî jî bikiþînin. Xwedê derdan nede tu kesî. Lê wek gelê kurd em çareya vê nexweþiyê dizanin.

Çare ev e: Ji bo her kesî Demokrasî

Makezagonek wek welatên pêþverû, ku di wê makezagonê de kurd veke avakarê vê komarê bêne dîtin, ji zimanê wan re, ji çanda wan re, ji ala wan re, ji axa wan re, hurmet bê nîþandan. Di komareke wisa de helbet wê Erdogan û dilxwazên wî jî bi rehetî karibin misînê xwe dagirin û kumê xwe bidin serê xwe.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

16-03-2008 08:38 Editor Published in Nivîskar, Mem Mîrxan

This entry was posted on 16-03-2008 08:38. You can follow any responses to this entry through the RSS 2.0 feed. This article was favoured 13 time. You can leave a comment. Last update on 16-03-2008 08:38
Views: 140    

Users' Comments (0)

Average user rating    (0 vote)

No comment posted