Mal Mem Mîrxan Meclîsa Ciwanên YG 21'ê -I-

Meclîsa Ciwanên YG 21'ê -I-

 
Me gelek caran di nivîsan de navê Yerel Gundem 21’ê bi lêv kiribû. Lê her gavê jî me xebatên meclîsa jinan anîbû ziman. Îro em ê li ser xebatên Meclîsa Ciwanan binivîsin.

Bi rastî di nav civakê de nêrînên zarok, jin, ciwan û nivîþkanan gelek caran nayên qebûlkirin. Ev qadên civakê mecbûr dimînin dengê xwe bi awayekî bigihînin der û dora xwe. Ew an koman ava dikin û di nav de cih digirin, an saziyan vedikin, an jî wekî “Meclisan” xwe bi rêxistin dikin.

Yek ji van jî Meclîsa Ciwanan a YG 21’ê ye. Ev pênc sal in bi awayekî serkeftî xebatên xwe didomînin. Di nav meclîsê de nûnerên bîst (20) sazî û rêxistinan û temsilkarên hejdeh (18) dibistanên Lîseyê cih digirin. Ji xeynî sazî û rêxistinan, kesên serbixwe jî tev li meclisê bûne û hejmara wan gihîþtiye nod (90) kesan. Meclisê di nav xwe de komên bi navên “Amadekariya Projeyan, Organîzasyon, Çapemenî, Lêkolîn, Çand – Huner û Ciwan û Demokrasiyê ava kiriye.

Her kom bi projeyên cur bi cur xebatên xwe dikin û xwe û jiyana xwe ya li Amedê hem li Tirkiyeyê hem jî li qada navneteweyî bi gelek kesan didin nasîn. Bi van xebatên xwe û hejmara xwe ya bi nod kesan, li Tirkiyeyê meclîsa herî xurt tê nasîn.

Ji ber ku bi pênc þaredariyên Amedê re protokol îmze kirine, gava ku projeyan amade dikin, þaredarî jî di projeyan de wekî hevpar cih digirin. Slogana Meclîsa Ciwanan a di warê xebatan de jî wekî ya Þaredariyên DTP’ ê ye û ew jî dibêje: “Em xwe bi xwe û bajarê xwe bi xwe bi rê ve dibin.” Di hemû projeyan de teqez ciwanên ku li taxên xizan dijîn jî tev li xebatan dibin.

Ev hefteyek e ku di çarçoveya projeyekê de ji Fransayê mêvanên ciwanan hatine Amedê. Ji meha Kewçêrê vir ve xebatên projeya bi navê “Bi Gavên Ciwan ve ber bi Demokrasiyê” didomin. Ev proje ji aliyê Meclisa Ciwanan ve hatiye amadekirin û Þaredariya Bajarê Nû ya Amedê, Komeleyên Fransî “ Solidaritê et Libertê û Infos A Gogo” yê jî hevpariya wê kirine.

Ji van her du komeleyên Fransî komek ciwan û xebatkar hatin Amedê û çûn ziyareta gelek sazî û rêxistinan. Tev li bernameyeke televizyonê û du panelan bûn. Roja Þemiyê panela “Ciwan û Demokrasî”, roja Yekþemê jî panela “Jin û þîdet” ê pêk hatin. Di hemû bernameyan de xebatên sazî û dezgehên her du welatan hatin nirxandin û parvekirin.

Di panela Ciwan û Demokrasiyê de ji komeleya Info A Gogo ya Fransî, ji Zanîngeha Dicleyê û ji YG21’ê panelîstan nêrînên gelekî xweþ û girîng anîn ziman. Nêrînên ciwanên guhdar jî ji bo pêþerojê hêviyên pir mezin dan me.

Her çi qas li gor Amedê beþdarî kêm bû jî (divê salon tijî bûya) dîsa jî naveroka panelê têr û tijî bû.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;