Mal Mamosta Silêman Taximê lingan

Taximê lingan

 
Tirkîya de, sendîqayanî hîrê qonfederasyonan, partîyanî sîyasîyan, sazîyan û dezgeyan, waþtbi ke, meydananî þaristanan de, Roþanê Yewê Gulane bi îznê walîyan pîroz bikî. Labelê, walîyan zaf cayan de îznê pîrozbîyayiþê Roþanê Yewê Gulane nêdawo.

Hukmat û Walîyê AKP, Taksîmê Îstanbulê de zî, semedê pîrozbîyayiþê Roþanê Yewê Gulanê, îzîn nêdawo.Îstanbul de heme kesê marîfetê (þîddetê) dewlete bi çimanê xo reyde dîy. Nê rojanê peynîyan de derheqê Roþanê Yewê Gulanê ser o zaf çîy vajîyayo. Serekwezîr Erdogan, sendîqayan sucdar keno û vano ke;"Ez semedê Taksîmê, israrê nê sendîqayan ra çîy fam nêkena." Serekwezîr, reyna vano; "Cayo ke, herinda sereyan de, lingî ca bigêrî, ew ra de, qîyamete yena meydan." Gelo Serekwezîr cahîl (nizan) o ke, no israrê Taksîmê ra çîy fam nêkeno? Qontrgerillayan; Yewê Gulana (Maysa) 1977 de Taksim de, verî renoya sipî ra, bi tifinganî otomotîkan adir kerdo, dima zî, çar kenarê Taksîmê ra karkeran ser o guleyê sîlehan varnayî, dima zî bi panzeran û bombeyanî gaze reyde gala mîtîngê kerkeran kerda, cenî û camêrdî pelixnayî. Qontrayan, no hêrîþe xe de; 37 karkerî zeh kerdî, 126 karkerî zî bîrîndar kerdî. Faîlî nê hedîseyê, hima zî bellî nêbîyî.

Eke ay wext nê faîlî bellî bibîynî, yan zî qontrgerîlla deþîfre bibîynî û cezayê înan bidîyaynî; Roþanê Yewê Gulana yê 2008 ê de polîsan nêeþkenaynî no þîddet bikî, gelo hetan ewro, yew kesê zî eþkenaynî kuçan de merdiman lînc biko yan bikiþo, yan zî vîndî biko? Gelo Tirkîya kura de vîndî (vênî) kerdo û hima zî vîndî kena? Tirkîya de kam diþmeneya þaran keno? Kam toximê kîn, nefret û þîddetê rameno? Tirkîya de, kam kurdan, înkar û îmha keno? Kam gonî bila (vila) kerdiþ ra miqat beno? Kam welatê tirkan û kurdan talan keno? Kam diþmeneya aþtî û demokrasî keno? Wexto ke, ma cewabê nê persan bidî, rewþa Tirkîya zelal bena. Na zî zelal a ke, dewlet û sivîlan mîyan de, verî zî merdimî tarî bîyî, eyro zî estî. Nê merdimî hima zî rolê xo kaykenî. Eger nê qontrayî hadîseyê taksimê eþkera bibîynî, eyro zî kuçanêî þaristananî Tirkîya de ne no þiddet ,ne zî Tirkîya de no lej bîynî, ne nê operasyonî bîynî ne zî ciwananî kurdan û tirkan, heyatê xo vîndî kerdînî.

Yewna zî, dinya de, heme þaristananî pîlan de, þaristanijî nê meydanan de, seba festîwalan, roþanan, tîyatroyan û rojanî taybetîyan de, yenî têhet û xo îfade kenî. Seba sosyalîte û ûvîyarþîyayiþê merdiman nê bêj (tewir) aktîwîteyî hewce zî kenî. Merdimî, nê meydanan de, talebê azadî, aþtî û demokrasî, heq û edletê, senaat û hunerê, keyf û þahî û hîsîyatê xo anî ziwan. No yew heqo însanî yo. Merdimî tarî, heqîqet û roþney ra tersenî. Gelo Serekwezîr Erdogan, kamî/kaman hetê ca gêno?

Reyna Serekwezîr Erdogan, behsê lingan û sereyan (taximê lingan) keno. Çi heyf ke, Serekwezîr no vatiþê xo de zî, fikr û zikrê xo beyan keno. Ewta de bellî yo ke, heqaret ked û kedkaran keno. Ma Serekwezîr Erdoganê ra, tayê persan persî; Birêz Erdogan, Qûltixo ke þima ser o roniþtî, bano ke þima te de setar benî, kamî/ kaman viraþto? Non, aw û meyweyo ke þima wenî, bi keda kamî/kaman hedre beno? Teyaraya ke þima pey seyahat kenî, otomobîla ke þima pey geyrenî kamî/ kaman viraþta? Gelo camîyo ke þima te de nimaj kenî, taqonyaya ke þima xo pay kenî û sejdeyo ke þima ser o nimaj kenî kamî/kaman viraþtî? Gelo goþt û katey þima kura ra yenî, çi ra virazîyenî? Bê ked û kedkaran, xovero çîy yeno meydan?

Yew welato ke te de kedkaran ser o zilm û zor bibo, heq, edelet û demokrasî zî çin bo, hûzûr zî nêmaneno.

Users' Comments (0)

Only registered users can comment an article. Please login or register.

No comment posted

A piþtî wê jor;