Heke şima ferhengok re bibewnê, maneya sûk di raştê hîrê çahar xalî estî. Şaristan, Şaar, Sûk, bajar pêrkin namê sûk o, yanê bi Kurmanckî bajar, bi Tirkî kent. Namey ci sebo wa o bo, sûki an zî şaristani cayê medeniyet o. Eno raştey welatê Yûnanande des pa kerdo û yeno heta ewro.
Şaristanan newe an zî modern wexta burjuwaziyê, di welatî Ewrupî de ameyo werte. Girêdoxê senayî û karê kapîtalîzmê ênê sûkanê girdî de biyê. Sûkênê Tirkiyeyî ra zaf verî awabiyê. Ma Stenbol hesab nêkerê sûkanî obinan wexta Cumhuriyet di ameyo holê. Kişta rojhilatî zî badi serreya 1950 an de vêşî biyo. Amed, Bedlîs, Wan, Serhed, Mêrdin, Hesenkêf, Meyyafarkîn sûkanê herî kaan o. Eluh zî sûkey newe yo.
Wextake sûk bi gird û bi hezaran cayê modernî de heyatê xo dom bikerê û qabê ûcade karê xo virazê, yînanre xizmet lazim bi. Enê xizmet her ke şino vêşî beno, her ke şono xizmetey civakî, siyasî, kiltûrî û mondernîtey beno.
Şaredareyyê ên sûkan bi des serran, destê axa û began de mendo. Temsîlkarê partiya sîsteman senî waştena şarê xo dûrî bi, xizmeta şaredarey zî gorey xo eyar kerdê. Rayerberanê şaristanî şaredareyî ze ke eşîrê xo îdare bikero îdare kerdê. Wexta ke, şar gorey zanaybiyina demokrasiyê xo hereket kerdê, serekê Şaredareyyan zî bedilnay. Serre hewtayde şaredareya Fatsa û Amed şaredaranî ê şarî bi. Tirkiye de yew bi. Zaf nêyeno vaten, la, serreya 1979 de sûka Hîlvan de zî şaredarey dekewtbi şarî destî.
En hîre nimûne a wext bibî hedefa faşîstan û kontrgerillayan. Zaf nêravêrdê cuntaya 12 îlonê amey. Zey herkesî serekê ney şaredareyyan zî eştê hepsê. Serekê şaredareya Fatsa zîndandi heyatê xo kerd vinî, Serekê şaredareya Amedê Mehdî Zana û serekê şaredareya Hîlvan zî des serî ra vêşî zeredi mendî.
Ji serreya heyştê heta serreya di hezarî tu cay de şar nêeşkinê şaredarey bigîrê. Veçinayene 1999 di bi taybetî herêma Kurdan de şar bi îradeya xo şaredareyê xo girewt destê xo. Hewt sûk de, yanî wilayet de şaredarey girewt. Hîris û dido qeza û belde zî dekewtbi destê şar û hêzên demokratîkan.
En heyşt serreyo ke ên şaredareyan girweyê xo dom kenê û xizmete ke heştay serreyo dewlet nêardê ên sûk û bacaran re, îna ên heşt sere miyan de ardê.
Şar xizmeta şaredareyan de memnun o. Kismên zanay zî xizmet û estbiyina yina weş vînenê. La balê rayeraberanê tikan, hikumeta AKP û dewleta olîgarşîk qayilê yinan niyê. Her fersend de en şaredareyan re astenge vejenê, dawa akenê, taye zî ji girweyê înan dano vinderdişî. Ebi no manedi serekê şaredareyan re heta ewro sedî vêşîtir dawa ameyo akerdene. En dawayan de dozger bi desan serre caza wazenê. Taye yinan ceza girot zî. Serekê şaredareya navçeya Misîsî anika hepsdeyo, serekê şaredareya cizîrê û sûr î ji xebatê amey girotene.
Yeno famkerden ke girweya şaredareyan zey tekoşina şar bixo yo. Tekoşîna demokrasîya şar û biserkewtena şaredareyan yew o. A diyin zî, şaredareya şarê Kurdan tena karê şaredarey nê, temsîkarê sîyasetî zî kenê. En rocan de Konferansa Rayeberanê Heremî(Yerel Yönetimler Konferansı) zî despakenê. En konferansan de meseleyî şaredareyî demokrat û şoreşgerey sero, ûta de niqaşî benê. Ma îna kenê ke ney tepiya zafêrî piratîgê weş ser namey şar û şaredareyan de sereke bibo.
Ma vatenê xo taye feeliyeta bi mana û weş a şaredarey a Lîcê bi encam bikerê. Pêrkin şaredareyya DTP, şaredareyya Lîce zî bi ser namey Ferdî Akay re sazgehî kiltûrî û senetî akerdê. Embaz Ferdî girweya siyasetî de heyatê xo kerdibi vinî û bibi şehîdê şarê Kurd. En sazgey girweya zaf giring viraştê. Civînê xelata Apê Musa de komey qeçekan vejya sehne sero û zaf çepikê girotê. En grup xebatê MKM nêbi, xebatê şaredarey Lice bi. Û zaf sempatî arêkerdê.
Zey girweye wuna, şaredarey Lice ewro zî girweye weş û bi mana dayo verê xo. Yew pirtûkxane akerdirdbi. Seba ney zî birêz Kerem zey zaf kesan mirê zî yew name şirawit(rişt). Ên mane di armancê pirtûkxane vano û wazeno ke her kes kamcîn bo wa o bo pirtûkê birişo înan re. Ên kitaban tena sazgehamiyande nê, qandê des rojî dano herkes û ê eşkenê kekeyê xo de zî ney kitaban biwanê. Ên pirtûkî roman, çîrok, helbest, pirtûkanê klasîk zî beno, pirtûkê mekteban zî beno. Seba ney ardimî(paştîgirotê) edres û têklidarî wunayo: Kerem Turk, Şaredareya Lice buroya Çapameneyî. Tel: (0412) 861 22 17
Ev navnîşana maîlê ji bo botên spaman hatiye parastin, ji bo hûn bibînin divê Javascripta we vekirî be
This entry was posted on 17-12-2007 15:16. You can follow any responses to this entry through the RSS 2.0 feed. This article was favoured 20 time. You can leave a comment.
Last update on 17-12-2007 15:16 Views: 438
Users' Comments (0)
Average user rating (0 vote)
Only registered users can comment an article. Please login or register.
Îrfan Babaoglu 
(0 vote)
Views: 438