Ez nuþteyê xo roca çareþeme nusnena. Roca poncþeme zî embazanê Azadiya Welat kompîtur sero de bi ca kenê, mîzanpajî rojname kenê hazrey û yew roce de riþneno çapxaneye. Verê ke rojname bireso wendoxanî dest, di rocî verên ey ez nuþteyê xo qedînena. Cokarê nuþtey ên di rocî miyande biyenanî seni biyê sero nêeþkene fikrê xo binûse. Ez îna kena perkin nuþtoxî ney rewþî zana û îna zî nêeþkenê çiyên virazê.
Ên rewþ seba welatê ma zaf zaf raþt o. Welatê ma di her wext her çiy beno! Ên hefteya peynî zî wuna bi. Ma nuþteyê xo teslimî rojname kerd. Roca 3 çileyî, roca pêrþeme Amed di bombey teqa. Ên bombe zey ke ma sero biteqo. Pêrkin programê ma amey bedilnayene. Rocewe ma gorey ên teqandene virazya. 6 kesên sivîl hayatê xo kerd vinî. Tayê ci zaf giran, 80 veþîtir dirbetene estibi.
Kiþta dewletî ên zey bi çaar destê xo ve xo eþtê ney biyananî sero. Serekê Fermandar Yasar Buyukanit, Serekê Wezîr Tayîp Erdogan, Serekê partiya muxalefetî esasî Deniz Baykal amey Amedê. Mesajê xo utya de day. Mesajanê îna halkerdene meseley lecî nê, meseley qiseya “teror” tena bi. Qisey û vatene kaan û bêhalkerdene fina ney biyenan sero dubare kerdê. La balê ên þexsan wexta ke parka koþuyolu sero bombe teqna û des vêþîtir cinêk û qijikê werdî merdê kes nêamey. Ên çiy zaf bal ancenê. Hikûmete akp û politikayê înan gunîyê însanan sero senî polîtîkayê xo dano meþanden, utya de xo eþkere kenî.
Partiya DTP û mebûsê ey û serekê belediyeya ey ney biyananî þermezar kerdê. Hevsereka DTP Emîne Ayna zî ney biyenanî protesto kerd û îþaret kerd ke, temelî biyenanê wuna de nêhalkerdene meseley Kurdan û meseley demokratîk esta.
Bi raþtey zî, ên biyenanî kes qebûl nêkenê. La balê eno hîris sereyo ke gunîye însanan rijneno utade. Ên hewt serreyo ke kiþta Kurdan û partiyê înan ve yew qisey vicyena werte: Aþtî… Aþitî sero zaf çiy amey watene. La balê ney sero serede hikûmet kes seba halkerdene ên mesele çiyê nêkerd. Hefteya bînî seba pêþniyara halkerdene Partiya Civaka Demokratik de amey: Merdime Zanay.(akîl adamlar) Bi esasî zaf caye lecîde, halkerdene wuna de Merdime Zanay vicyabi werte. Terefê lecî bi saya girweyê Merdime Zanay ve ameybi pêhet û meseleyê miyanê îna halbibi. Meseley Tirkiye û meseley Kurdan de zî gereke çiyê wuna bivicyê werte. Birêz Ehmet Türk ihtiyacê wuna ardê ziwanî ser. Utya de namey Marttî Ahtîsaarî zî raverde. Ahtîsaarî zey sembola halkerdene meseley giraney vindeno. Malbata Ahtîsaarî Norveç di koç kerde. Serre1937 di Finlandiya de amey dinya. 1994 di bi serekê dewleta Fînî. Semedên girweye ataþe û sefîrî zaf ca geyray. 6 ziwanî zano. Ahtîsaarî girweyê xo û felsefeya xo, wuna anê ziwanî ser; “Heke îradeye sîyasî estibo, meseleye çinê, ke halnêbo. Heyatê min, girweye grube ke, ewro an zî bîro zey ‘terotist’ ameyo damga kerden ve muzakere miyande ramito.” Bi raþtey zî Marttî Ahtîsaarî zaf ca de kismên ke lecî miyandey re biyo zey aþtîadoxî. Gerilayê SWAPO û dewleta Baþurî Afrîqa ey ardê pê het. Peyniya ney aþitî dewleta Namibya serbixoye xo îlan kerd û ên dewlet Milletê Yewbiyin de cayê xo girotê. Miyanê îra û îngilistanê, miyanê Kosowa û Yugoslawya de zî, ma fina namey Ahtîsaarî vînenê. Halkerdene Ahtîsaarî Tirki zî feyde diyê. 1999 di seba ke Tirkiye kiþta Ewrûpî de ca bigîrê ney mordeme Zana dekewto are û seba Tirkiye qerarên weþ vicyaye werte.
Dinya perkin Ahtîsaarî naskenê. Utya de Ahtîsaarî zey sembol û nimuneyo. Beno ke Ahtîsaarî nêbo. La balê mordeme ke zey ey wayirî rol bibo re lazimahey estî. Gereke seba meseleye Kurdan û demokratîqbiyina Tirkiye taye kese bivicyo werte û ney mesele sero girwey viraze. Seba ney tena zey ke Ahtîsaarî vato”îradeye sîyasî” lazimo. Ên îradeye sîyasî kiþta Kurdan de rewnayo esto. La belê kiþta Tirkiye û rayeraberanê Tirkiye ve ewna ney îradeye siyasî nêasyeno. La balê egemenî Tirkiye ewro se vano wa vaco yew roce bêro ney meseley sero zey însanê Ahtîsaarî lazim bibo. Bi esasey biyenanê Amed zî ney raþtî fina ardê çimanê perkin Tirkiye vero. Raya halkerdene, raya aqil yew o. Ên raþtî seba perkin Dinya senî yo, seba Tirkiye zî odi wuna bibo.
Gorey fikrê mi, encame ziyarete serekêkomar Abdullah Gul de zî çiyên wuna vicya. Heke rojewe Tirkiye di zewbî biyenanî nêbo, ma ney ziyarete sero hefteya bin vinderê.
Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be
This entry was posted on 11-01-2008 09:44. You can follow any responses to this entry through the RSS 2.0 feed. This article was favoured 31 time. You can leave a comment.
Last update on 11-01-2008 09:44 Views: 425
Users' Comments (0)
Average user rating (0 vote)
Only registered users can comment an article. Please login or register.
Yaþar Eroglu 
(0 vote)
Views: 425