Hikûmetî her çahr serr di bedilyenî. Serekêkomar, serekêvezîr her çend serre de yeno bedilnayene. La balê nêzdibiyena meseleye Kurdan cayê xo de vindeno. Tebî, þarê Kurd û meseleyê ci zî yeno bedilnayene. Ên çiy raþto. La balê ma utade qalê hikûmeta û qalê polîtîkayê înan kenê. No rocan peyniyê de polîtîkayê Akp an zî Serekvezîr Erdoganî her ca de vicya werte.
Erdogan verên di waþt ke behsa meseley Kurdan Bikerê. Amey Amedê qala meseley Kurdan kerd û vat ke ên mesele meselyê min o. Perkin serekêvezîr vexta ke yeno Amedê meseley Kurdan re wayirî vicyenê. No manedi, vatena Demîrel, Mesud Yýlmaz, Ecevît û obinan goþê þar de zindî yo. Cokra wexta ke Erdogan meseley Kurdan re wayirî vicya û vate ke ez ney mesele halkena, þar û kesên vatiþî wuna zaf goþtarey kerdê, bawer nêkerdê. Bi þik nêzdî biyê. Dimra Erdogan bi polîtîkayê xo kerde eþkere ke wayir vicyayiþê ey, zey obinan tena fekê înan de maneno.
Erdogan û Akp gorey zanaybiyena dewletî hereket kenî. Asta qalkerdiþê de, asta qiseykerdiþî de wayirî vizyeno. Heta uca de zî nêvindenê kesên Kurdê namdar, roþnvîr zî genê hetê xo. Zaf sîyasetvanên wuna, zaf rojnamevanên û roþnvîrên wuna çoþmey polîtîkayanê Akp û Erdoganî de amey pê hetê. Nîna perkin yew veng ra kiþta dîni vete vernî. Kiþta olî, an zî dîni de rexneyê xo ardê ziwanî sero. Perkin qanalê televîzyonan taye Dehap’ijî kaan û taye kesên bin vete werte û înan zey temsîlkarê þarê Kurd qisey kerdê. Eynî wext de zî, yew hetra operasyonî ra giraney dano meþanden, heti bin ra zî, partiya DTP xorê hedefî kenî.
Erdogan seba ke þarê Kurd bêtemsîlkar verado, mebusanê xo yê heremê Kurd ra ameyo veçînayen veceno vernî. Vano ke “partiyê ma wayirê 75 mebusî Kurd o. DTP wayirê 20 mebusî yo” Raþto mebusî DTP 20 keso, la yîna ser namey Kurdan, ser namey helkerdene meseley Kurdan û Tirkan ameyo veçînayen. Îna ser namey demokrasiya raþtey ameyo veçînayen. Veçînayene 22 tîrmehî eke gorey quralê demokrasî bibiya, eke þertê ci seyyewbinan bibaya a wext AKP nêeþke bivata “75 parlamenê min ey Kurdî estî”
Yê bin, ên mebusan tu carî ser nemey meseleye Kurdan nêameyo uca. Îna xo inkar kerdê ameyo uca. îna eþkene serekêvezîr zî bibo zey Erdoganî. La balê esasê ney no yo ke, kamcî meseley xorê propaganda kenê û projeya halkerdenê ci çi yo, gore ey beli bibo.
AKP bi polîtîkayanê xo þar xapeyneno. Par, menga nîsanî de miyanê AKP û esker de taye meseley vicya. Ewro weþ yeno famkerdene ke, ên meseley sunî bi. Miyanê xo de peymanî viraþtî. Gorey ney lihemverê Kurdan Erdogan û esker amey pêhet. Peyniya veçinayena serekêkomar û hikumeta newe di politikaye ke zey konsept amade kerdê, vicya werte. Êmerîqa û Ewropa zî ên konsept miyan de ca girotê. Erdogan esker çi waþt ey ard ca. Teskere vetê. Dîplomasi viraþtê. 5 mijdarî de þi Emerîqa. Badi Erdogan, serekêkomar Abdullah Gul þî Emerîqa. Nîna perkin lihemverê Kurdan sero yo.
Ma uta de taye verên re bevnê. Encamê politikayê binan sebi? Yew: Lihemverî Kurdan kam hikûmet zey konsept hereket kerdo yîna veçinayen de vînî kerd. Ecevît, Çiller, Demirel û Mesut Yilmaz wuna bi. Di: Halkerdene eskerî no erdî sero de serkewtî nêvînenê. Kam ekser hereket bikero vinî kenê. Erdogan zewbî politîka dano meþanden. Yanê bi temamî ol û dîn bikar ardê. O zî zano ke þarê Kurd pêrkin, dîn û olê xo re girêdayo. La balê Erdogan û partiya ci, yan zî stratejistê ci ney hesap nêkeno ke serr 1990 an de kiþta olî de bi hezzaran êriþî berdê ney þarî sero. Hizbullah raþtiyewe wuna de vicya werte. Þarê Kurd ol û dînê xo ra girêdayo la, o þar heqiqi dîndar o. O þar him dînê xo re wayirî vicyenê him zî nasnameyê xo re.
Siyasetmedarê Kurd û demokratan ên raþtî þarê xore nêda famkerdene. Ey þar politîkayê MHP rew famkerd. Ey þarî politîkayê Chp zî rew texlîl kerd. La balê Erdogan û ekibê ci vernî di ney politîkayê xo nimitê. Resme yew wuna ardê werte, yanê ey wazênê demokrasiyê biyarê, meseley Kurdan ney sîstema demokrasî miyande hal bikerê, la balê esker û dewlete kurî nêveredanê ey bi rehetî ney politîkayanê xo bi ca bikerê. Pozîsyoney wuha de xo kerd mazlûm. Ên pozîsyon cirê pan zî ardê. Ney puan sero bi eskeran re piya wazeno ke heqê Kurdan ke ên 35 serreyo qezenç kerdê zî red û înkar bikerê. Taye Kurdên roþnvîr zî ebi no armancê Erdogan re hizmet kenê û tarixî vero xo kenî sucdar.
Ruye Akp ino politikayane xo heremdi vicya werte.
Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be
This entry was posted on 18-01-2008 09:43. You can follow any responses to this entry through the RSS 2.0 feed. This article was favoured 26 time. You can leave a comment.
Last update on 18-01-2008 09:43 Views: 462
Users' Comments (0)
Average user rating (0 vote)
Only registered users can comment an article. Please login or register.
Yaþar Eroglu 
(0 vote)
Views: 462