Mal Burhan Erdem Tabiê amê here Þamê

Tabiê amê here Þamê

 
Dewletek heye; rayedarên wê dibêjin “hemwelatiyên min serê sedî 99 misilmanin.” Lê belê ev dewlet tenê dewleta Îslamê ye ya ku bi dewleta Îsraîliyan re têkiliyên siyasî û aborî raçandî; di mezeleke wezareta xarîcî de serokê dewleta Filistînê, ya din de jî serokwezîrê Îsraîlê pêþwazî dikit. Heman dewlet; vaye 57 sal e endamê Natoyê ye. Endamên Natoyê yên din bi temamî dewletên xirîstiyan in û gelek ji wan dijberên Îslamê ne. Ger Nato biryarê bistîne ku êriþê bibit ser dewleteke misilman, leþkerê wan dê li pêþiya ya xaçperestan bimeþe û guleyan biteqîne misilmanan. Dîsa ev dewlet e ya ku salên 1920’an de bi yekîtiya sovyetî ya ku xwe bi desthilatdariyeke civaknas dayî naskirin û iqtidara wê destê partiyeke qumînîst de boyî dost û bi hev re peyman çêkirî. Rêveberê saziya dewletên Îslamê ya îro jî dîsa hemwelatiyekî wê dewletê ye. Rayedarê partiya ser-muxalefetê yê wê dewletê; yê ku xwe bi cîhanê “sosyal demokrat” dayî naskirin; lê gotin û kiryarên xwe de nîjadperest û neyarê bindestan jî cîgirê serokê wan partiyên endamê enternasyonalista sosyalîst e. Siyasetmedarên vê dewletê ne yên ku ev 40 sal e bi navê demokrasî û laîktiyeke sexte dixwazin bibin endamê Yekîtiya Ewropayê li ber dergehê wan ewirî. Lê aliyê din jî rayedarê Hamasê yê herî radîkal serbajarê xwe de mêvan dikit û wî dide ber hembêza xwe. Gelê kurd welatê bab û kalên xwe de tama azadiyê nebîne, rizgar nebe û mafên xwe yên mirovatiyê nestîne; bi dewletên cîran Tehran, Bexda û Þamê re bi dehan pakt û peymanên aþkera û veþartî çêkirî her dîsa ev dewlet e. Her wiha rehên dîplomasiya xweserê deshilatdarîya xwe avêtine nav zeviya çepan, ya rastan, hem hewþa mizgeftê, hem jî ya dêrê û kinîþtê ye. Waye giþt 80 sal e navê vê dîplomasiya piralî, xapînok û êriþkarane jî kirine “li welat aþtî, li cîhanê aþtî.” Ew dewleta roja hatî damezirandin û virve tu caran desthilatdarên wê kincên komara leþkerî ya bi apoletan hatî xemilandin li ser bedenê xwe dernexistine. Her deh salan carekê darbeyeke leþkerî ve rêkên demokrasiyê asteng kirine û makezagon jî darê zora wan ve hatine amadekirin. Mixabin îro jî gelek saziyên pêþverû, kesên demokrat û civaknas bi aliyê wan ve têne xapandin û qada navnetewî de berevaniya wan dikin. Jixwe dîroka desthilatdarîya vê dewletê de inkar û îmhakirina gelên ne ji nîjadê wan heye. Fermanrewanên wê zimanê aþtiyê nizanin. Tehemûla wan bo reng û dengên cuda cuda tune. Ew dixwazin çanda Anatoliyayê ya pirreng mîna kincên leþkerê wan bibit yek nîgar. Saziya dewletê çavên nîjada serdest de pîroz e. Ji ber wê yekê zilm, zext û kiryarên wê yên li ser bindestan rewa têne dîtin. Baweriya nijadperestên vê dewletê de “yek netew, yek ziman û yek ala” nirxeke yê ku destnedayîniya wê ji fermana yezdana jî girîngtir. Þertê hemwelatiyê yê sereke pejirandina vê dirûþmeya nijadperest e. Ev gotin wekî þertê Îsamê yê yekemîn her dem ser devê rayedar û rêveberên dewletê ye. Yê ku bi dengekî bilind vê nepejirîne girtina wî wacib, koçberkirina wî sunnet, malê wî xenîmet û kuþtina wî jî ferz e. Nijadperestiya xwe heman demê di nav zirha rêolê ya sûnnîtiyê de rapêçane. Rêka berfirehbûn û pêþveçûyînê li ber hemî rêolên din dane astengkirin.

Bona desthilatdarên vê dewletê dema berjewendiyên dewletê û yên neteweya wan hatin civatê tu cudatiyên yezdanê qencî û yê xerabiyê nîn in. Dostên wan yên herî navdar fîrewnên Misirê yên hemdem, neviyên Muaviye, Yezîd û Ayatullahên li ser kursiya þahan rûniþtine. Dema pêþberî serhildanên kurdan tengav dibin, hewara xwe dibin ba wan. Ji ber ku berjewendiyên wan yên herêmê vê têkiliya pirqirêj û hovane dixwaze. Gelek mixabin ku hêj hin siyasetmedarên kurd vê rastiyê nabînin û siyaseta xwe li gorî vê satranca Rojhilata Naverast derbazdar nadin meþandin. Divê kurd jî êdî li gorî berjewendiyên xwe siyasetê bimeþînin. Mezinên kurdan gotiye: “Tabiê amê here Þamê.” Kurd rêz û ristekî ji derveyî ya neteweyên rojhilatê ve tu caran nagehin wê Þama daxwaza dîtina wê di dilê wan de.

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;