Meqarne û desthilatdar

Dema mirov jiyana rojane dinêrê, mirov gelek zêhmetî û zordariye dibînê. Sedemên van zehmetiyan jî polîtîkayên kirej e yên hikûmeta îro li ser kar e. Dema mirov bala xwe didê ser revebirina ve hikûmetê, mirovê bizane çiqas jiyana rojane xistiye nav zehmetiyan.

Dema ev hikûmet piþtî hilbijartinan, desthilatdarî xist destê xwe û dest polîtîkayên xwe yên xapandina aborî û nûsaziyan (reform) kir mixabin îro ew gotinên wê yên ji rezê yek û yek vala derdikevin peþberî me. Digot ez ê ciwanên be kâr re cihe kargeha vekim û eze kâr zêde bikim; an jî digot ez ê pereyên kal û pîran zede bidim û nûsaziyê di warê tendûstriyê de bikim. Bes ev gotinên wê berevajî derketin û îro bêtalî û xîzanî zêde bûye. Mirov îro bala xwe bide ekonomî ango aboriya Tirkiyeyê mirov dê vê ketinâ aborî, bêtalî û jiyana giran ber çavan bibîne. Gelo hûn dizanin îro çiqas lazimiyen rojane buha bûne û ev pereyên mirov di mehekî de bi dest dixe êdî têra mirov nake. Xwediyê desthilatdariyê ji ber ku hin deng bigire dest avêt meqarne û komira belaþ belav dikir, me nedigot gelo ma ne wan perê van tiþtê rojekî ji me bistîne; ev e binêrin buhayê wan çawa çedikê û ji me ve dike.

Berî dema desthilatdariya AKP’ê buhayên lazimiyan:

1.kg rûn……………………. 3 ytl

1.kg þekir………………… 2 ytl

1.kg meqarne…………. 1 ytl

1.kg birinc………………. 1.2 ytl

1.kg savar………………….1 ytl

1.kg nîsk…………………….1 ytl

Dema îro de ev tiþtê em binêrin çiqas buha hatiye ser kîloyekî.

1.kg rûn……………………. 3.4 ytl (yek teneke 70 milyon)

1.kg þekir………………… 3.3 ytl ( yek çiwal 40 milyon)

1.kg meqarne…………. 1.5 ytl (yek çiwal 7 milyon)

1.kg birinc………………. 1.5 ytl (yek çiwal 40 milyon)

1.kg savar………………….1.2 ytl (yek çiwal 40 milyon)

1.kg nîsk…………………….1.6 ytl yek çiwal 45 milyon)

Hûn dibînin ku çiqas cudahî çêbuye ango sêdî 30-35 zêdeyî bûye. Dema hikûmetên din de, lazimiyan zem bixwarana digotin em ê filan tiþtî sedî hin lê zêde bikin, mixabin ev hikûmeta desthilatdar bê deng ev zem li gorî keyfa xwe li cem xwe çêdike û dema mirov ji xew radibe mirov dibîne her tiþt wa ye gûheriye. Derbeya herî giran jî herema kurd lê dijîn xwariye. Ji ber ku her mal xwedî þeþ-heft zarokan e û dema herin sûkê û lazimiyen xwarine bikirin lazim e ne bi kîloyan, bi çiwalan bikire. Dema çiwalek þekir, nîsk an jî birinc kirî li gorî dema borî 10-15 lîrayan zêde dide. Ev sedem jî feqîrî û xîzaniyê jî xwe re tînê.

Ev serê çend rojanê ciwanên herêmên Cizîr, Nisêbîn, Silopî û çend deverên din, ber bi bajarên wek Stênbol, Îzmir û Edeneyê ve diçin bi karê destan debara xwe bikin. Ev cudahiya navbera herêman de rastiya her tiþtî dane ber çavên mirov. Jixwe digotin em ê deriyê sînorê Xabûr em ê xweþ bikin û debara vê herêmê sedî sed zêde bikin. Ev li ber çavan e ku çawa hatî bi zêde û bi îstihdamkirin. Pêwîst e em vê cudahiya di navbera herêm û mirovan de baþ nîqaþ bikin û bizanin ev hikûmet ji xwe de tu meqarne û komirê belaþ nade tu kesî; yê bi kevçî bide û hesk bistînê.

Divê gelê kurd baþ bizane ku kes hale vî gelî nizaneû tu kes ji vî gelî re nebûye alîkar û ji vir pê de jî kes nabe alîkar. Ev li ber çavan e ku çawa me dixapînin ji ber ku rayan ji me bigirin. Hê em dereng nemane bila li bîra me bê ku çawa li ser me lîstoka dileyîzin. Gelo çima kurd diçin karên destan di nav bajarên tirkan de dikin. We tirk di nav herêmên kurdan de bi karên destan debara xwe kirî dîtine gelo! Çima em nav tirkan de dixebitin û ew di nav me de naxebitin? Çima her dem em kurd dibin karkerê karê xelkê? Bersiva wê hûn bidin.

30-03-2008 10:27 Editor Published in Forum, Forum

This entry was posted on 30-03-2008 10:27. You can follow any responses to this entry through the RSS 2.0 feed. This article was favoured 6 time. You can leave a comment. Last update on 30-03-2008 10:27
Views: 51    

Users' Comments (0)

Average user rating    (0 vote)

No comment posted