Cemeata Gulen mîna vîrûsa têger e

Dewleta tirk ji Împaratoriya Osmaniyan heta îro kurdan dixapîne. Dewletê her carê ji bo xapandina kurdan riyek dîtiye, di her tengasiya xwe de komên çeteyan li hemberî gelê kurd bi kar anîne. Ji çeteyên Hemîdiyan heta îro bi dehan caran bi rûyên cur bi cur çete li hemberî kurdan derxistin holê. Dewlet bi çeteyan jî nemaye, di bin navê îslamiyetê de terîqat û cemaetên ji çeteyan gelek xirabtir li hemberî gelê kurd bi kar anîne.

Ji her gavê bêtir dewlet îro van lîstikan dilîze, çete, terîqat û cemaetan li hemberî gelê kurd bi kar tîne. Ev demeke dirêj e ku çeteya Ergenekonê ketiye rojevê û her kes li ser vê çeteyê nîqaþan dike. Aliyê kurd jî gelek dixwaze ku heta dawiyê bi ser vê çeteyê de biçin û koka vê çeteyê biqelînin. Ev yek tiþtek gelek baþ e, divê kurd vê daxwazê bikin. Lê îro li hemberî gelê kurd gelek komên çeteyan, cemaet û terîqat tên bikaranîn ku gelek ji çeteyên Ergenekonê zêdetir zirarê didin gelê kurd. Ev komên çeteyan gelek ji çeteyên Ergenekonê xirabtir in.

Îro li Kurdistanê xirabtirîn çete çeteya cemaeta Fethullah Gulen e. Cemeata Fetullah Gulen mîna vîrûsa nexweþiyeke têger (bulaþici) ketiye nava gelê kurd. Di serî de xapandina olî, bi riyên cur bi cur ketiye nava malên kurdan. Zirara ku ev çete dide gelê kurd heft babên çeteyên Ergenekonê nikarin bidinê. Heke ku îro ev çete bikaribe di nava malên kurdan de xwe birêxistin bike, ev yek qelsiyeke siyaseta kurd e. Ez aþkera bibêjim siyaseta kurd li hemberî vê çeteyê bêdeng e. Ev bêdengî jî rê dide xwebirêxistinkirina vê çeteyê.

Hêlîna wan dersxane û komele ne

Hêlîna xwebirêxistinkirina vê çeteyê dersxane, malên xwendekaran, komele û dergah in. Li hemberî kirinên vê çeteyê em wisa bêdeng in, heke ku ev çete bê di nava malên me de dergaheke xwe ava bike dîsa jî emê dengê xwe nekin. Ez dipirsim gelo siyaseta kurd, ango siyasetmedar, rewþenbîr, nivîskar, hunermendê kurd… çima li hemberî vê çeteyê muxalefetekê nake? Çima vê çeteyê di nava raya giþtî de teþîr nake? Dengê ku heta niha derketiye li hemberî vê cemaetê dengekî pir nizm e. Ev deng ne çûye guhê gelê kurd, ne çûye guhê vê çeteyê û ne jî çûye guhê dinyayê. Îro bi sed hezaran kurd bi çavê ku mifteya deriyê bihuþtê di destê vê çeteyê de ye, li vê çeteyê dinêrin. Ev çete wisa dikeve damarên kurdan, wisa þiringa dike ku zû bi zû bi ser xwe ve neyên. Her kurdê ku vê çeteyê þiringa kiribe, ango vîrûsa vê çeteyê gihîþtibê, ew kurd bûye dijminê gelê xwe, nexasim jî dijminê Tevgera Azadiyê. Berê dewletê terîqet, þêxên sexte û axa li hemberî gelê kurd bi kar tînan. Piþtî ku bandora wan þikest, îro jî li þûna þêxên sexte van cemaetên çete û malbatên terîqetan bi kar tîne.

Malbatên xwe bi kar tînin

Yek ji riyên qirêj ku li hemberî gelê kurd bi kar tîne jî hin malbat in. Malbata Huseyîn Çelîk, ya Cuneyt Zapsu, ya A. Kadir Aksu, ya Dengîr Mîr Mehmet Firat hin ji van malbatan in ku esilkurd in, lê belê dîn dijminê gelê kurd in. Zirara ku îro ev malbat didin gelê kurd tu çeteyên mîna yên Ergenekonê nedane gelê kurd û nikarin bidinê jî. Çeteya Ergenekonê û yên mîna wê (ku maka van çeteyan hemûyan dewleta tirk bixwe ye) kurdan yekcar dikujin. Lê belê ev çeteyên din tevî kuþtinê seqet dihêlin, vîrûsa xwe têxin damarên wan, ev vîrûs jî roj bi roj belav dibe, di encamê de civakeke seqet ku mirina vê ji saxbûna wê baþtire dimîne li meydanê.

Ji ber vê yekê divê ku gelê kurd bi hemû dînamîkên xwe ve, di serî de cemaeta Fetullah Gulen, malbata Huseyîn Çelîk û malbatên dî, li hemberî hemû çete, cemaet û malbatên di nava xiyanetê de muxalefeteke baþ bide meþandin. Divê ku ev cemaet, çete û malbat li Kurdistanê bêne teþhîrkirin ku cihê wan di nava gelê kurd de nemîne. Çawa ku ev çete mafê jiyanê ji gelê kurd re nahêlin, divê ku mafê jiyana van çeteyan jî li Kurdistanê nemîne.

Hedef ne tenê bajarê Amedê ye

Ev demeke dirêj e ku hikûmeta AKP’ê çav berdaye þaredariya Amedê. Erdogan dibêje divê em þaredariya Amed û Dêrsimê bistînin. Li ser vê yekê jî aliyê kurd hemû hêza xwe daye ser Amedê. Ev yek xapandinek e, lîstikeke AKP’ê ye. AKP ji me baþtir dizane ku ew nikare Amedê bistîne. Lê wisa dike ku siyaseta kurd hemû hêza xwe bide ser Amedê û cihên din vala bihêle, da ku li cihên din rehetî qazanc bike û dîsa cihên wekî; Êlih, Wan, Agirî Mûþ û hwd. di destê xwe de bihêle. Îro siyaseta kurd hemû hêza xwe daye ser Amedê û cihên din qels hiþtine. Ev yek xetereyeke gelek mezin e. Ev yek tam xwestina AKP’ê ye. Erê divê ku Amed bê parastinn, lê divê ku cihên din jî bi qasî Amedê bên parastin. Bi ya min Amed parastiye, divê ku siyaseta kurd hêza xwe ji bo cihên din zêdetir bi kar bîne. Nexwe sibê roj em nebêjin way me çawa kir, me rabû hemû hêza xwe da ser Amedê lê me cihên din ji dest dan. Yanî kurd careke din neyên lîstika neviyên Osmaniyan.

04-04-2008 14:32 Editor Published in Forum, Forum

This entry was posted on 04-04-2008 14:32. You can follow any responses to this entry through the RSS 2.0 feed. This article was favoured 5 time. You can leave a comment. Last update on 04-04-2008 14:32
Views: 55    

Users' Comments (0)

Average user rating    (0 vote)

No comment posted