Gelo tu dizanî bi kurdî bixwînî? -I-

Ev sohbet ew çend germ bû ku te digot qey ji vê sohbeta me to û nivîþk dirêjiya ser sikakên Brûkselê…

Di wê hingavê de min dil dikir ku pirtûkeke xwe ya “Mirin” diyariyê siyasetmedarê me yê tirtire bikim.

Lê ji wê mereqa koçeriya xwe min çend gotinên bêguneh guvaþtin û bi dengekî nizim û narîn nîvpirsek jê kir: “Gelo cenabê te dizane bi kurdî bixwîne?”

(Waa weylêêêê! Keçê te keziya xwe bi ser delalîkên xwe de ji binî de kur bikira û vê pirsê nexista devê xwe!!??..)

Jixwe piþtî wê nîvpirsê hema bêje hemû jiyana min jî guherî û îmana min derket. Erê ez ne keç bûm ku min keziya xwe kur bikira; lê ev pora min ya spî piþtî wê nîvpirsê bû pembû û niha hazir e ku ji we re bibe lihêf ezgorî!

Heke ez careke din bêhemdî jî werim vê mîrata dinyayê, ez ji niha ve sonda mêrê berê dixwim ku ez ê qet riya xwe bi xopana Brûkselê jî nexim, heke ez li dinyayeke din jî li rastî camêrekî wekî wî siyasetmedarê me bêm ez ê hemû pirsên di serê xwe de bi sabûna kizwanan biþom û ez ê wî wekî Celadetê duyem îlan bikim.

Piþtî wê nîvpirsa min rengê siyasetmedarê me zer û spî bû. Bi þêwaz û retorîkeke ecêb gotinê zivirand ser meseleyên din. Ji niþka ve serê çend hevokan –bêmane!- girt û anî ser pirsgirêka zarava, devok û alfabeyên kurdî!

Ez jî nizanim bê çer çawa çilo, lê yekîtiya alfabeyê bi sînorê çar parçeyên Kurdistanê ve zeliqand û wekî tevna ku pîrika min dihûnand grê da.

Wekî teþîrêsekî jîr Peymana Sevr û Lozanê jî bi van sînoran ve danî. Bêyî ku nefes bistîne berê gotinan zivirand ser planên CIA, MOSSAD, KGB, MUXABERAT û MÎTê û nola qehremanekî dawî bala min kiþand ser 172 dewletên komplo-ker!

Ez hê jî li benda bersiva xwe bûm. Heke hingê bersiveke “ERÊ” an jî “NA” bida min, min ê bawer bikira ku heta çend salan dê Kurdistan jî ava bûya.

Heke ku bersiveke biçûçok jî bida vî koçerê xwe û bigota a niha xwe tazî bike û heta Amedê bibeze, bi serê xwe û we kim, min nedigot, “NA!!!”.

Jixwe min jî wekî mîrêkî botiyan her sebra xwedê dikiþand û her digot, “Belê ezbenî!”

Koçernot:

Belê xwendevanên hêja! Ez dizanim ku hûn jî niha wekî min meraqa bersiva vî siyasetmedarê me yê qerase dixwin, nexwe bimînin heta hefteyeke din li bendê. Heke hûn vê bersivê mereq nekin, nexwe hûn bi xêr û ez silamet…

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

03-05-2008 11:04 Editor Published in Nivîskar, Evdile Koçer

This entry was posted on 03-05-2008 11:04. You can follow any responses to this entry through the RSS 2.0 feed. This article was favoured 3 time. You can leave a comment. Last update on 03-05-2008 11:04
Views: 92    

Users' Comments (0)

Average user rating    (0 vote)

No comment posted