Mal Luqman Guldive Qûantûm

Qûantûm

 
Þima ra tikey kesî nika vanê qûantûm çiçî yo? Ez ney þima ra bi zaf kilmey wina vajî; no qanûna heme çîyan o. Yanî waxtê ke þima karê kenê, þima vanê a wina bo, wina beno, eger wina bo, wina beno, yanî taxmînanê ke, kê qabê çîyan keno, qûantûm o.

Karê de îhtîmala ke hezarî de yew bo zî, gere kê ey, xo çiman vero bigo û vajo ke beno ke no çî bibo! Bibo o do se bibo? Ey pey ra se beno? Mo, ey pey ra…? Wina kê kar û çîyan de texmînanê bi erenî û neyînîyan xo rê rayîrê virazeno. Yanê kê çîyê de, çîyê ke taxmîn nêkeno, an nêfikiryeno, kê nadeno cayê ke kê nêvînayo û waxtê ke kê mezgî ra nêvîyaro de, vejya kê ver û þar û þaran vero beno ke zaf bandor biko.

Ez bêrî meseleya esasî sero.

Hereketa PKK’î, bi çend kesan dest pêkerd. Kesanê ey demî de bawer nêkerdê ke, no hereket þarî mîyan de hintayê zaf gird bibo. Taxmîn nêkerdiþê ey demî kêmasîya taxmîna kesanê ey demî bi. Serr biser kesanê ke paþtî da ney hereketî zêd bi û taxmînê bawerîya hereketî her roj zêd bi, humara kesan bi hezaran bi. Bi des serran vîyarya humara kesanê ke bawereya xo bi yînan ardî, resa mîlyonan.

Koyan de pêrodayiþê yînan, ze perranê qertelê her roj bi qiwetê zêd û bi vengê gur xo da welatijanê xo û þarê cîhanî vero. Her roj þarê kurd dormeyê Serekê Kurdan Abdûllah Ocalanî de dawayî sero vindertî û heme sûkanê cîhanî de ca girewtî. No hereket roj bi roj pîl bi. Roj bi roj mafanê kurdan ardê ziwan. Kiþta bînî zî, kesanî olîgarþîk kurdan ze ûranyûmî her roj þideynayê. Feqet hesabê qûantûma ke, kê çiqas ûranyûmî bijideyno enerjî vejeno, nêkerdî. Û her roj enerjîya kurdan zed bi. Yanê kurdî bî adir, adirvanî zî kesanî dijî kurdan bî. Hinî kerdî ke kes an kesî nêþenê ney adirî bitefînê, çimkî ey adirî ê kesan bi vayê xo û bi ardûyanê xo gur kerdî.

Kesê verê nêewtaynê ke, muzîka kurdî, keyê xo de goþdarî bikerdaynê. Kesanê ke, bi kurdî qise bikerdaynê, ceza dayê ci. Yanê heme deweranê verî de zordarî û zulma kesanê serdestan kurdan sero zaf wiþ bi.

Emser kê nadeno rewþa PKK’î çi ca ra, ameyo çi ca? Ze qanûna qûantûmî a perrê pelpelikê, pelpelikê baskê xo dema ke va keno o va yo ke vejeno bi serran tepeya beno talajok û þikyeno zaf cayan hilweþîno û talan û ruswa biko. Yanê kê dema kê kera erzeno awî mîyan, keman/kuwan/yay virazyenê. Sifte yew keman o, keman kemanê virazeno û pîl benê û vila benê. Ê kemanî vinî nêbenê, awî mîyan de vila benê û pîl benê û qiraxê awan de xo koyandê asêyan qelibnenê û dem vîyareno ê koyan anê war û parçê ê koyan kenê kûm û ey kûmî þar ano pey bonî virazenê. Bonanê zexmî. Nê çîyanê ke ez vanê bi zanistan ameyo ceribnayiþ û bîyo qanûna zanyaran.

Yanê ez wina vajî PKK’yê ke bi pêley û baskey va bi, no gam, o pêl û wa, bîyê ze berxodana koyanê zap û girseyê ke Newrojî de heme cîhanî û welatanê kurdan û bi teybet zî Amedî, bi adirê kirfîtî no gam bîyê adirê cîhanî.

Nê çîyê ke mi cor de ardî ziwan ney rojan fêkîyê xo dano. Yanê adirê û vayanê ke no gam bi qanûna qûantûma fizîkî gird bîyê no gam, dest pey kerd o û zevîyanê xo çîneno. Beno ke tikey çîyanê neyîney bivejyê, feqet hinî eyseno ke no adir bi rehetey hewna nêþino. Û kes zî nêþeno hewna bero, ema îhtîmala ke hezarî de yew zî gere heþî ra meþêro û bi zanistî ney sero bêro vindertene. Çîyê est o, gere kurdî qûantûmî vîra mêkê ke, heme çî beno ke bibo. Îhtîmalanê zaf qijkekin zî, beno ke denga çîya xirabe bikê. Erê no gam kurdan biryara Dîwana Ewropayî zî bidilna, ema beno ke siba çîyê neyîney zî bivejyo! Gere kurdî heme çîyan ra hadre bê.

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;