Malek di rengê muzeyê de

AMED - Welatiyê bi navê Yusuf Oruç ku ji gundê Sadiyeyê yê 15 sal berî niha koçî Bismilê kiriye, bi keviran hewþa mala xwe wekî muzeyê lê kiriye. Oruç bi kulîlkên çandîn û kevirên bi cih kirîn dîmeneke pir balkêþ û xweþik derxistiye holê.

Li navçeya Bismila Amedê welatiyê bi navê Yusuf Oruç bi derfetên xwe kevirên ji cihên cuda anîn û hewþa mala xwe wekî muzeyê xemilandiye. Hewþa wekî muzeyê hatiye dîzaynkirin ji hêla Oruç ve ku 15 sal berî niha ji gundê Sadiyeyê koçî navçeyê kiriye ve hatiye çêkirin. Oruç ku kesek hezkiriyê welatê xwe ye, ligel kirina debara malbata 13 kesî bi vî karî re jî bi taybetî eleqedar dibe. Oruç ligel jiyana bi zor û zehmetî hezkirina xwe ya jiyanê bi bedewkirina derdorê nîþan dide. Oruç ku ji ber zexta cerdevaniyê bi neçarî ji gundê xwe koç kiriye Bismilê ev 10 sal in bi hewþa mala xwe re mijûl dibe.

Mala wî ya gund rengîn bûye

Oruç ku dema behsa gundê xwe dike, kelogirî dibe, balê dikiþîne ser keda ji bo bedewiya gund jî dayî. Oruç der barê mala xwe ya gund de jî agahiyan dide û balê dikiþîne ser bedewiya bax û baxçeyên xwe yên bi dehan kulîlkan rengo rengo bûye. Veqetiyana Oruç a ji gund bandoreke pir mezin li ser wî dike û ji ber vê yekê felcê derbas dike. Lê hezkirina wî ya jiyanê û hewldana wî zorê li felcê dibe. Oruç kevirên ji Amara, Wan, Mêrdîn, Qers, Heskîf, Agirî, Cizîr, Gola Hazarê û welatên wekî Îtalya, Sûriye û gelek deverên din anîn li nav hewþa xwe wekî peykeran dîzayn kirine. Oruç li nava hewþê hewzek çêkiriye û li derdora hewzê bi keviran teþeyên cuda çêkirine. Her wiha masiyên cure bi cure xistine nav hewza xwe ya li nav hewþê. Ligel þêwazên peykerî, sehpayên ji keviran hatine çêkirin jî balê dikiþînin.

'Zimanê van keviran heye'

Oruç ku bi nêzîkatiya xwe ya hawirdorê peyamên erênî dide li ser van xebatên xwe nêrînên xwe wiha anîn ziman: "Li gund baxçeyek min ê pir bedew hebû. Mala min 3 qat bû. Bi salan min ked da. Lê mixabin em neçar man me gundê xwe terk kir. Piþtre cerdevanan mala min, bostanên min hilweþandin û þewitandin. Min bi salan ked dabû. Tiþtek nehiþtin. Bi 13 zarokên xwe re ez koçî Bismilê bûm. Di van deh salên dawiyê de min bi kevirên ji deverên cuda anîn min ev hewz çêkir. Ev kevir her yek ji min re bedewiyek e. Her yekê wateyek cuda heye." Oruç mêvanên xwe jî li ser maseya bi keviran çêkirî pêþwazî dike. Oruç herî dawî dixwaze ku her kes ji bo mal û welatê xwe bi hezkirin bixebite û ku hezkirin hebe welat dibe bihuþt.

14-04-2008 11:26 Editor Published in Civak-Jiyan, Civak-Jiyan

This entry was posted on 14-04-2008 11:26. You can follow any responses to this entry through the RSS 2.0 feed. This article was favoured 8 time. You can leave a comment. Last update on 14-04-2008 11:26
Views: 35

Users' Comments (0)

Average user rating    (0 vote)

No comment posted