Mal Mal Civak-Jiyan Bi komira xizaniyê debara xwe dikin

Bi komira xizaniyê debara xwe dikin

 
AMED / DÎHA - Jinên li bajaroka Palûke ya Amedê dijîn, sergîn çêdikin û debara xwe pê dikin. Jinên li bajarokê, ji niha de dest bi amadekariya zivistana pêþ me dikin. Tenûrê bi van sergînan pêdixin, gelek caran bi firotina wan, debara malbata xwe dikin.

Li gelek gundên derdora Amedê û li bajaroka Palûke (Çarikli) ya Amedê ji ber koçberî û xizaniyê, barê li ser milê jinan girantir dibe. Jinên jiyana wan bi xebata di nav malê de derbas dibe û keda wan nayê dîtin, ligel hemû zehmetiyan di hemû aliyên jiyanê de xwedî cihekî girîng in. Jinên herêmê ji aliyekî ve li zarokên xwe dinêrin, ji aliyê din ve jî karên din dikin. Yek ji van karan jî, çêkirina sergînan e. Her bihar, jin kar û barê xwe dikin û piþtre ji bo haziriya zivistanê av, bêr, tevir û qalibên xwe digirin û sergînan çêdikin. Jin, ji serê zivistanê û pê de ji bo zivistana din sergînan kom dikin. Mehên bihar û havînê ji bo tenûrê pê bixin, lazim e jin bi koman sergînan çêkin. Hinek ji wan jî, serginên ku çêdikin, difiroþin û pê debara mala xwe dikin.

Bi awayekî kolektîf dixebitin

Jinên vî karê zehmet dikin, gelek caran bi piþtgiriya hev bi ser dikevin. Ji ber zehmetiya kar, jinên cîranên hev in, tên cem hev û rojê ji bo malekê dixebitin. Jina bi navê Bedîa Efe ku têkildarî çêkirina sergînan agahî dan, anî ziman ku ev bi salan e vî karî dikin. Efe anî ziman ku her bihar vî karî dikin û piþtî têra hewceyiya xwe çêkirin, ên din jî difiroþin. Efe wiha axivî: "Em pêþî ji bazara ramorka ziblê bi 15 YTL dikirin. Em salê 6 motor distînin, ancax têra me dike. Em sê mal, di hewþekê de ne û em her sal sergînan bi hev re çêdikin. Em feqîr in û nikarin komirê bistînin."

'Xizan xwe bi sergînan germ dikin'

Efe, destnîþan kir ku piþtî têra zivistana xwe sergîn çêkirin, ên zêde jî difroþin û wiha pê de çû: "Em heba sergînê bi 250 Ykr. difroþin gundiyên derdora xwe û carina jî kesên ku ji bajêr tên." Efe diyar kir ku ji ber xizaniyê sergîn hiþk dikin û havînê tenûrê, zivistanê jî sobeyên xwe bi sergînan vêdixin. Ji ber ku rêxa dewarên wan têrî nake, ji bazara dewaran a Amedê her sal bi motoran sergînan distînin û çêdikin. Jina bi navê Hatîce Efe, halê ku tê de dijîn wiha anî ziman: "Pez û dewarên me tune ne. Ji ber wê jî, em ziblê ji bazara heywanan distînin û tînin li vir hiþk dikin. Ji ber ku em nikarin êzîng û komirê bistînin, em vana di sobê de diþewitînin. Havînan em jî hemû pêdiviyên xwarin û þûþtinê bi sergîn bi cih tînin. Quweta têr bike, em carna jî sergînên ku çêdikin, difiroþin gundiyên derdorê xwe."

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;