Plana AKP'ê û Erdogan a dawî Hîzb-î Kontra ye

CEMÎL BAYIK

Di rojên borî de Serokwezîrê Tirk Tayîp Erdogan di daxuyanekê de got ku ew ê li dijî têkoþîna azadî û demokrasiyê ya kurd metodên cudatir bixine dewreyê. Her çend ku ev daxuyaniya bi yên generalên þerên taybet û qirêj ve bi hev bike jî vê pirsa ku “ev metod gelo çi bin” tîne bîra mirov. Ji ber ku ne yekî bi rêzê, serokwezîrê Tirkiyeyê dibêje. Berpirsiyariya wê giran e û divê cidî bên girtin. Serokwezîrê tirk berê jî daxuyaniyên wiha dabûn. Li Amedê zarok û jin hedef dabûn nîþandan. Piþtî wê polîsan zarok qetl kiribûn.

Bi van daxuyaniyên dawiyê serokwezîrê tirk kê wek hedef nîþan dide? Bivê nevê di serê mirovan de pirsan çêdike. Wate heye ku mirov ji bo van gefan hiþyar û amade bibe.

Hê ku daxuyaniya Erdogan di nav raya giþtî de deng venedabû, ji bo sefera dersînor tezkereyek hat pêþkêþkirin parlamenê. Bi vî awayî, R. Tayîp Erdogan bi daxuyaniya xwe dixwaze çi bibêje nehat nîqaþkirin û ser wê hate nixumandin. Lê belê daxuyaniya wî pir girîng bû. Ji ber ku di wê daxuyaniyê de, li Tikiyeyê di pêþerojê de, dê çi biqewime pêjna teþeyê wê dixuya. Li dijî Têkoþîna Azadî û Demokrasiyê ya Kurdan qala metodên nû hatibû kirin.

Tezkereya ku li ser daxuyaniya Erdogan nixumand ne nû ye ku dikeve rojeva Tirkiyeyê. Digel vê yekê tu dibêjî tiþkekî nû ye di çapemeniya tirk de dixemilînin û didin pêþ. Ev pir bi zanayî tê kirin. Tirkiye bi salan e operasyon û seferên dersînor pêk tîne. Di rewþa heyî de jî ev pêk tê.

Mijar ne wek wê ye ku di çapemeniyê de dixwaze bê nîþandan. Dixwazin ku tevkujiya li Bakur pêk tînin pir bi rihetî û nehêlin kes dij derkeve û mudaxele neke bibin serî. Þerê tabet ê qirêj ê ku li Botanê tê berfirehkirin delîlê vê yekê ye.

 Li Botanê her diçe þerê qirêj û taybet berfireh û gur dibe. Çekên giran þandine herêmê. Hêzên kontra xistine dewreyê. Digel van çekên kîmyewî tên bikaranîn. Mirovên sîvîl tên girtin û qetlkirin,

Li welatê me di navbera salên 1925 û 1938’an de qetlîamên mezin qewimîne. Bi tevî van qetlîaman “herêmên qedexe” hatine îlankirin. Ji hêlekê ve qetlîam pêk hatine, li aliyê din jî bêdengiya cîhanê hatiye dîtin. Niha KT heman metodê bi kar tîne û dibêje: “Em ê kurdan qetl bikin”. Dixwazin bêdengiya hemû cîhanê pêk bînin û bikin hevparê sûcê xwe. Vê yekê jî bi gefa, “Heke ku hûn dengê xwe derxin em ê baþûrê Kurdistanê dagir bikin” dikin.

Li Tirkiyeyê êrîþên li ser siyasetmedar, sazî û organên çapemeniyê yên ku çalakiyên rewa dikin jî, wek parçeyekî konsepta ku bi jehrdayîna Rêber Apo ve hate çalakkirin ketine rojevê.

Li dijî þerê qirêj û taybet ê li Bakur pêk tê, li cîhanê bêdengiyek heye. Ev yek nîþan dide ku Tirkiyeyê bi gefên xwe di qada navneteweyî de encam girtiye. Herêmên qedexe tên îlankirin, kuþtin û qetlîam pêk tên, li hemberî van bêdeng tê mayîn. Ên ku li hember pêkanînên þerê qirêj bêdeng dimînin, li dijî parastina rewa ya gerîlayan çalak dibin, li pey hev peyamên þermezarkirinê diweþînin. Bi vê ve, dîsa dibin hevparê tevkujiya ku li dijî gelê me diqewime.

Tirkiye, bi heman awayî, hewl dide ku siyasetmedarên di qada rewa de dixebitin û organên çapemenî û weþanê bêdeng bike, serî li wan bide tewandin. Bo wê jî gefan li ser gefan dixwe, riya hepsê û mirinê nîþan dide. Rojnameyan digire, peyamê dide ku heke hûn dengê xwe zêde bilind bikin, hûn ê rastî rewþeke hê jî tundtir bibin.

Gotinên R.Tayîp Erdogan ên wekî “em ê hin rêbazên cuda bixin dewreyê” di vê merheleyê de xwedî wate ne. Gelo Erdogan dikare kîjan rêbazî bixe dewreyê? Kîjan rê maye ku neceribandiye? Dibe ku dixwaze 'Hamasa Kurd' bixe dewreyê û tiþtê ku amadekariya wê tê kirin jî ew e. Tê zanîn ku ev demeke dirêj e amadekariyên vê yekê tên kirin. Li Kurdistanê Hîzbî Kontra dîsa bi navê sexte (Mustezaf û hwd.) tê birêxistinkirin û ev êdî aþkera ye. Erdogan dixwaze vê hêza kontrayî berde kolanê û dîsa rêzecînayetan pê bide kirin.

Bi awayekî zelal derketiye holê ku AKP partiya dewletê ye bi pêþengiya R.Tayip Erdogan, yekitiya xwe bi Artêþa Tirk re çêkiriye û amadekariya lîstikên þerê gemar û qirêj dike. Divê êdî her kes vê rastiyê bizane. Dê rê û rêbazên þerê xwe yê gemar zêde bikin. Rewþa ku tê de ne vê rastiyê nîþan dide. Êrîþên îmhayê yên li Bakur her ku diçe dê bên zêdekirin. Hemû rêbazên ku tên hiþên mirov dê bi kar bînin. Her wiha dê çekê di asta dînitiyê de bi kar bînin. Li dijî gel zext, îþkence, girtin û îþkence dê zêde bibe. Dibe ku hemû saziyên di qada legal û meþrû de bên girtin. Dibe ku Þaredar, Parlementeran bigirin. Her wiha dibe kuþtinên kiryarên wan nediyar careke din bên rojevê. Li dijî Baþûr dibe ku operasyonên taybet û yên hewayî bên lidarxistin.

Erdogan bi daxuyaniyên xwe aþkera kiriye ku dixwaze çi bike. Divê bi têkoþînê ev armancên Erdogan bên pûçkirin. Heke pêþî li Þerê Qirêj ê Rejîma Tirk neyê girtin, dê dîrok dîsa þahidiya qetlîama ser kurdan bike. Heke ev plan neyên pûçkirin, di vê serdema zanist û teknîkê de ku mirovahî bi hesreta aþtî û demokrasiyê dijî, dê kurd rastî qetlîaman bên û cîhan jî dê îmkanê bide vê qirkirinê. Divê pêþî li vê qirkirinê bê girtin û tu hêz nebin þirîkê qetîamên Tirkiyeyê.

Polîtîkayên ku li ser gelê me tên meþandin, dê encamên gelek giran bi xwe bînin û þikestinên mezin çêbikin. Divê pêþî li van polîtîkayan bê girtin. Divê hemû neferên gelê me û Tevgera Azadiya Kurdistanê bi awayekî xurt yekitiya xwe çêbikin, li dora Rêber Apo bibin xelek. Li dijî rêbazên þerê gemar xwedî amadekarî bin. Her wiha divê li dijî; zext, girtin, îþkence û qetlîaman tedbîrên xwe bigirin û parastina xwe pêk bînin. Her wiha divê berxwedanê pêþ bixin. Divê di serî de sosyalîst, demokrat, rewþenbîr, hemû hêzên hemdem li dijî vê polîtîkaya qirkirinê rawestin û nebin þirîkê wê. Divê cihê xwe ligel kurdan bigirin. Ancax bi vî awayî pêþî li xirabûna biratiya gelên kurd û tirk bê girtin. Ancax bi rengî rê li ber zirarên ku dê her kes para xwe jê bigire, bê girtin.

15-10-2007 09:00 Published in Nivîskar, Cemîl Bayik

This entry was posted on 15-10-2007 09:00. You can follow any responses to this entry through the RSS 2.0 feed. This article was favoured 29 time. You can leave a comment. Last update on 15-10-2007 11:42
Views: 598    

Users' Comments (0)

Average user rating    (0 vote)

No comment posted