Li ber xwe bidin û li rûmeta xwedî derkevin!

Mal

Li ber xwe bidin û li rûmeta xwedî derkevin!

Komploya Navneteweyî ya li dijî Rêber Apo 9’emîn sala xwe tije kir. Her çiqas di ser komployê de derbas bûn lê komployê tiştek ji girîngiya xwe kêm nekir. Heta her diçe ev pêvajo girîngtir dibe. Rêber Apo di 9’ê kewçera 1998’ê ji Sûriyeyê derketibû. Sedemê bingehîn ê derketina Rêber Apo ya ji Sûriyeyê ew bû pêşî li şerekî herêmî yê li ser eksenê Sûriyeyê bê meşandin bigire. DYA, Îsraîl û Tirkiyeyê ji bo ku Suriyeyê dagir bikin amadekariyên xwe dikirin. Bi hinceta tetbîqatan sînora Sûriyeyê bi giştî girtibûn bir ablukayê. Di nav van şertan de Rêber Apo derketina xwe ya ji Sûriyeyê ji bo xêra gelên herêmê didît û bi vê ramanê ji Sûriyeyê derket. Derketina Rêber Apo ya ji Sûriyeyê hate wateya meriyetbûna komploya ji salên 90’ê vir de ye di şexsê wî de tê meşandin. Ligel vê yekê komployê êdî teşe jî guhartiye. Heta wê demê bi serdeçûnan ve dixwast Rêber Apo bi awayekî fiîlî ji holê rakin, lê van komployan tu encam nedan. Û êdî komplo dê bi hin şêweyên din bê meşandin. Ji roja Rêber Apo ji Sûriyeyê derketî heta 15’ê Sibatê, pêvajoyê borî danî holê ku komplo dê çawa bê meşandin. Di 15’ê Sibata 1999’ê de bi dîlgirtina Rêber Apo Komploya Navneteweyî bi dawî nebûye. Berevajî vê Komploya Navneteweyî di nava xwe de qedemeyek derbas kir. Piştî vê qedemeyê Rêber Apo taybetiya xwe ya yekemîn hedefbûnê parast. Ligel vê pêvajoyê di şexsê Rêber Apo de têkoşîna azadî û demokrasiyê gelê kurd jî ji aliyê kurdên hevkar ên sexte ve kirin hedef. Bi hin danişînên encamên wê ji berê de diyar bûn de pêvajoyek hate derbaskirin. Ji bo ku têkiliya Rêber Apo ya bi gel re bê qutkirin bi mehan hevdîtinên bi parêzer û malbatê re hatin astengkirin. Name, rojname û kovar nedanê xwestin ku têkiliya wî bi derve re qutbikin. Ji bo ku ew bi destên xwe dawî li jiyana xwe bîne dan zorê. Di vê dema dîlgirtina wî ya giran de bi êrişên li ser kesayetiya wî ya manevî bi giştî bê parastin hate hiştin û êrîş li hemberî wî bikar anîn. Êrîşên li dijî Rêber Apo di çarçoveya konseptekê de hatin meşandin. Navê wî ligel êrîşên ji bo têkoşîna azadiyê li dijî gel hate bikaranîn. Wekî din di nava Tevgera Azadî û Demokrasiyê hemleya tasfiyekariyê hate meşandin. Li ser kadroyan êrîşkariyeke giran hate meşandin û xwastin ew ji eslê xwe dûr bikevin. Bi vê yekê gewdeya rêxistina bê ser hatiye hiştin dê belav bikira. Li ser gel jî nêzîkbûneke ku asîmîlasyonê esas digire ket dewreyê û xwestin komkujiyeke etnîkî pêk bînin. Ji bo ku bandora têkoşîna azadî û demokrasiyê di nava 30 salan de li ser gel hiştiye ji holê rakin ji nû ve livbaziya dagirkeriyê kete dewreyê. Kirasekî nû bi ser serê Hîzbû Kontraya salên 90’an de kir û bi rengê AKP’ê ketin nav livbaziyê. AKP’ê Serokatiya Karên Oldariyê ya Dewletê, terîkat, Fetullah Gulen û artêş girtin pişt xwe û dagirkeriya nû li hewldaneke nû ket dewreyê. Gelê ku Rêber Apo pêşengiyê bo wî dike zanî ku li hemberî vê hemleyê jî li ber xwe bide. Têkoşîna xwe pêşxist û bersiva vê yekê da. Tam di vê noxteyê de wekî parçeyekî Komploya Navneteweyî jehrîdayîna Rêber Apo hate rojevê. Jehrîdayîna Rêber Apo di radeya herî bilind de tê wateye îmhakirina gelê kurd. Bi jehrîdayîna Rêber Apo konseptekî nû xistin dewreyê. Ev konsepta ku komkujiya gelê kurd ji xwe re kiriye hedef bi awayekî aşkera di meriyetê de ye. Rêber Apo hatiye jehrîdan. Ligel jehrîdayîna Rêber Apo li welatê me asta şerê qirêj ê taybet tê bilindkirin. Di şer de dest bi bikaranîna çekên kîmyewî yên bi peymanên navneteweyî hatine qedexekirin kir. Sûcên dewletê her diçe zêde dibin. Her wekî berî hatibû kirin dîsa herêmên komkujiyê hatine tespîtkirin. Di vê çarçoveyê de her wekî salên destpêkê yên komarê herêmên yekemîn ên wekî Şirnex, Colemêrg û Sêrtê bi navê herêmên ewlehiyê hatin destnîşankirin. Nûnerên dewletê bi daxuyaniyên xwe dane aşkerakirin ku dê hin rêbazên nû bixin dewreyê.Komploya Navneteweyî ya di şexsê Rêber Apo de hate pê, bi vî awayî di şertên şerekî taybet de 9 sal tije kirin û ev dikeve sala dehan. Di sala dehemîn de jî dev ji heman şêwe û polîtîkayên berê bernadin. Îro li ser Kurdistana Başûr jî polîtîkayên bi vî rengî bi kar tînin. Rayedarên tirkan dibêjin em ê bikevine Kurdistana Başûr. Mijarê her tim zindî digirin. Dixwazin kurdên li başûr û bakur rûberî hev bikin. Çawa ku ji Sûriyeyê re gotin, “heke hûn helwestê negirin em ê heta Şamê herin” niha jî li dijî kurdên başûr vê yekê pêk tînin. Dibêjin, “Em ê têkevin Kerkukê, Musilê, Silemaniyeyê, Hewlerê. Bi sed hezaran leşkerên li ser sînor, her roj avêtina topan, bi rakirina balafir û helîkopteran gefan li wan dixwin.Tev ev pêkhatinan dibin delîlên ku em çawa dikevin dehemîn salvegera Komploya Navneteweyî. Hêzên komloger dixwazin ku li gorî berjewendiyên xwe komployê bibin serî. Ji bo vê yekê jî dixwazin Rêber Apo bi jehrê qetl bikin û gelê kurd ji tevkujiyê re derbas bikin. Hewl didin ku ji hêzên navneteweyî piştgiriyê bigirin. Bang li hêzên Kurdistana Başûr dikin ku bi tevî wan helwestê bigirin. Hêzên komploger dixwazin ji sûcên xwe re şirîkan bibînin.Ev rastî bi ketina dehemîn salvegera komployê pir aşkera derdikeve ber çavan. Ev rastî li hember komployê berxwadaneke mezin li kurdan ferz dike. Yan li hember tevkujiyê dê bêdeng bê mayîn an jî li hember wê dê berxedaneke birûmet bê dayîn. Ji bilî vê riyeke din nîn e.Komploya Navneteweyî bi derketina Rêber Apo ya ji Sûriyeyê dest pê kiribû. Niha jî bi daxwaza jehrdayînê û qetlkirina Rêber Apo ketiye merheleyeke din û hatiye radeya tevkujiya gelê kurd. Ev du qonax ketina nav hev. Hemleya ku tevgera azadiyê daye destpêkirin di nav vê rastiyê de girîngiya xwe diyar dike.Ji ber vê yekê yên ku naxwazin bibin hevparê vê qirêjiyê, yên ku ji xwe re dibêjin demokrat, pêşverû, sosyalîst divê li Rêber Apo xwedî derkevin. Divê deng bên bilindkirin, “Êdî Bes e!”Ev dê bibe bersiva herî girîng.

12-10-2007 10:48 Published in Nivîskar, Cemal Şerik

This entry was posted on 12-10-2007 10:48. You can follow any responses to this entry through the RSS 2.0 feed. This article was favoured 28 time. You can leave a comment. Last update on 12-10-2007 10:48
Views: 558