Mal Kakþar Oremar Heta ku derê 'Ergenekon'?

Heta ku derê 'Ergenekon'?

 
Di wê demê de ku zarokên agir bi lastîkan dixistin ji polîsan direviyan, serobinobûna rojeva Tirkiyeyê hebû. Ew polîsên bi du zarokên kurdan ketibûn, li Enqere û Stenbolê jî diavêt ser hin malên kesên naskirî yên `komarparêz`. Operasyona Ergenekonê pêl bi pêl hatibû û li ser dawiyê jî veguhezî tsunamiyê. Hinan jê re gotin operasyoneke rûtîn lê li dijî kesên navdar, hinan got darbeya sivîl û hin kesan jî got ku ev hewldaneke guherîna rojevê ye, ku naxwazin mesaja ji pîrozbahiyên Newrozê derkeve bê bihîstin.

Di eslê xwe de operasyoneke bi vî rengî, li Tirkiyeyê qet nedihate payîn. Lewre ev dihate wateya paqijkirina dewletê ya ji çete û komikên qatil ku ji bo parastina pergalê dihatine bikaranîn. Gava ku tiþtekî wisa bibûya diviyabû li hemû pergalê belav bibûya. Ji ber ku li welatên din, bi taybetî li welatên niha yên YE`yê, ev wisa bûbû. Gelek kesan jî ji vê operasyonê paqijkirina Tirkiyeyê hêvî kirin. Lê gava ku li welatên din ev paqijî pêk dihat, li piþt perdeyê hêzeke an jî hêzên ji wan komikan mezintir hebûn ku lez didan wê pêvajoyê. Li welatên Ewropayê ew hêz YE bû. Li deverên din jî, dewletên serdestên wan û dewletên berê wan wekî kolonî bikaranîbûn ev yek dikirin. Li Tirkiyeyê jî gelek kes li vê yekê geriyan ka ew hêza mezin a li piþtperdeya vê paqijiyê kî bû. Adresa herî naskirî jî DYA ye. Ku li gorî dîtina populer, DYA`yê ji ew endamên `Ergenekon`ê piþtgiriya xwe kiþandiye û ew piþtgirî daye AKP`ê. Ev jî bûye sedema panîka li nava çetevanên vê rêxistinê, ku bi þaþkirina riya xwe jî bûne qurbanên vê operasyonê.

Hebûna DYA`yê an jî rola wê ya her aþkera ye, wekî ku Tirkiye dewleteke berê koloniyawê bûye, DYA tevdigere. Bi awayekî jî, Tirkiye baxçê mala DYA`yê ye ku li piþta deryayan maye. Ev tevgera DYA`yê di vê operasyonê de jî, ji demeke dirêj ve ye hebûna xwe dabû hîskirin. Lewra Tirkiye devereke ku di vê pêvajoya guherandina Rojhilata Navîn de, DYA hewceyî wê ye. Ji wê jî zêdetir hewceyî hevalbendiya gelê wê ye. Ev bi mehane jî, gelê Tirkiyeyê xwediyê sempatiyeke mezin a ji DYA`yê re ye.

Ji her kesî re aþkera ye ku, ew ê DYA bixwaze Tirkiyeyê li herêmê li dijî dijminên berjewendiyên xwe bide þerkirin. Ev þer jî ew ê li dijî cîranên Tirkiyeyê be. DYA li gorî pîvanên xwe vê hevalbendiya Tirkiyeyê bi dest xistiye û di berdêla vê de jî, hêviya dijminatiya xwe ya ji kurdan re dabû ew `komarparêzan`. Ev hêvî hînê bi mehan beriya operasyona hewayî gelekî hatibû xurtkirin ku, hemû çapemeniyê vê rola ji bo wan girîng a DYA`yê derxistibû manþetan. Digotin wan di têkeliyên bi DYA`yê re dest bi pêvajoyeke nû ya stratejîk kirine. Heta ew operasyona namdar a li dijî baþûrê Kurdistanê ew `komarparêz` bi vê hêviê tevgeriyan. Lê di dema wê operasyonê de, li dijî wan jî operasyona hevalbendê wan hebû ku bi destê AKP`ê dihate meþandin. Ji bo ew zarokê êgir ku di rojên Newrozê de dibû qurbanê êrîþa polîsan, ha AKP ha `Komarparêz`! Yek e! Kîjan xwedî îktidar be, ew ê rewþa wî neguhere. Polîs polîsê AKP`ê ye, rêveber rêveberê çetevan e. Di vî qaþo `þer`ê di nava kûrahiya dewletê de, encam lihevkirine. Kompromî, dê wekî hev-îdarekirinê pêk were. Û li dewsa çeteya `Ergenekon`ê çeteyeke din bi cih bibe. Ew ê li hev bikin hewte-hewt, lê îþkenceyê li kurdan bikin. Tiþtê bi tenê yê li pêþiya zarokên êgir, berxwedan e. Vê jî baþ dikin. Êdî ne ew kesên ku xwedêgiravî ji bo aþtiya Tirkiyeyê çalak in û ne jî dostên li piþta deryayan, dikanin xwe bigihêjînin wî zarokî.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;