Mal Ahmet Dere Berê hemû kurdan li çiyan e

Berê hemû kurdan li çiyan e

 
Ji ber ku konseptên tunekirinê yên sala 2007’an bi bexwedana giþtî ya Tevgera Azadiya Kurdistanê, gelê kurd û gerîla neçûn serî, êrîþên tunekerinê û berxwedana li dijî wan yekser di sala 2008’an de jî berdewam kir.

Bi destpêka meha Sibatê re, liv û tevgera li Kurdistanê zêde dibe. Sibat di dîroka nêz a Kurdistanê de bi Komploya Navneteweyî ya di encamê de Rêberê Gelê Kurd Abdullah Ocalan dîl hate girtin, mîna meheke reþ mîna rûpelê reþtirîn cihê xwe girt. Ev 9 sal in kurd mehên sibatê di nava xemgînî û hêrseke mezin a li dijî bêbextên sedsalê de pêþwazî dikin. Bi taybetî di 15’ê Sibatê salvegera dîlgirtina Ocalan ji bo kurdan roja þînê ye.

Tevî konseptên tunekirinê û hewldanên encamgirtina ji komploya li hemberî gelê kurd tê meþandin, sibata îsal cihekî girîngtir ji yên borî digire. Mirov dikare bêje ku çalakiyên di vê sibatê de bên lidarxistin, ji aliyekî ve wê werin wateya derxistina asta bilind a pêngava êdî bes e, ji aliyê din ve jî wê bibin starta bihar û havîna germ a bi liv û tevger. 15’ê Sibatê, 8’ê Adarê, Hefteya Qehremaniyê, 21'ê Adarê Cejna Neteweyî ya Gelê Kurd Newroz, 4’ê Nîsanê roja ji dayikbûna Rêberê Gelê Kurd Abdullah Ocalan ku li pey hev tên di aliyê çalakiyên girseyî de jî liv û tevgereke mezin derdixe holê.

Hemû riyên aþtî û azadiyê di çiyayên Kurdisanê re derbas dibin

Kurdên ku li dijî konseptên tunekirinê di mehên dawî yên sala 2007'an de di çerçoveya pêngava 'Êdî Bes e' de mudaxeleyî pêvajoyê kirin bi destpêka sibatê re bi pêþengiya DTP’ê çalakiyeke pîroz a meþa ber bi çiyayên Kurdistanê ve didin destpêkirin. Biryara DTP’ê ya bûyina mertalên zindî û meþa ber bi Þirnexê ve, ji aliyê gelê kurd û aþtîxwazên Tirkiyeyê ve bi kêfxweþî hate pêþwazîkirin. Bi hefteya ne ku amadekariyên meþê li bajar û navendan didomin. Niha jî ji bo destpêkirina vê çalakiya pîroz a bi navê 'Li Dijî Operasyonan Meþa Çareseriya Demokratîk' êdî hesabê saetan ma.

Bi hezaran mirovên ku biryar dane ji bo astengkirina kuþtinan û wêrankirina xwezayê bedena xwe dikin mertal wê ji çiyayên Cûdî û Gabarê peyamên aþtiyê bidin. Dayina peyama aþtiyê ji Cûdî û Gabarê ji her alî ve watedar e. Ji ber ku hemû riyên aþtiyê û azadiyê tenê û tenê di çiyayên Kurdistanê re derbas dibin.

Van çiyan ji Îskender û Roma Reþ re serê xwe netewand

Çiyayên ku di tevahiya dîrokê de li hemberî hemû dagirker û zaliman bûne stargeha gelê kurd û sembola azadiyê, ji Îskenderê Mekedonî, heta bi Dehaqê Zalim yê asûrî, ji acem û moxolan heta bi Roma Reþ, li hemberî tu hêzê serî netewandin.

Di þerê 30 salên dawî de jî çirûska yekemîn a berxwedana ji bo azadiyê ji çiyayên Kurdistanê pêket û heta roja me, tevî hevkariyên bêbext, teknolojiya herî pêþketî ya serdestên cîhanê, çiyayên Kurdistanê bi hemû ezamet û serbilandahiya xwe rawestiyan, radiwestin.

Ji ber vê yekê jî biryara ji bo aþtiyê ber çiyayên Cûdî û Gabarê ve meþîn û li wer aþkerekirina deklerasyonên aþtiyê gava herî dicîh de ye. Lêgerînên qaþo çareseriyan yên deveyî riza û erêkirina çiyayên Kurdistanê wê tu encaman bi xwe re neyîne. Ne peyman û lihevkirinên li Enqereyê, ne yên li Tehran, Þam û Bexdayê, ne jî li Bruksel û Washingtonê wê biencam nebin. Ji xwe þervanên azadiyê ji ber ku li dijî statûya van hêzan ku bi peymanên mîna Lozanê li ser kurdan ferz kirin berê xwe dan çiyan. Ji nedîtîve hatina vîna gelê kurd a li çiyan ji berdewamkirina siyaseta înkar û tunekirinê pê de tune ye. Çalakiya gelê kurd a ber bi çiyan ve jî peyama vê yekê ye.

Meþa ber bi çiyan ve divê bibe starta çalakiyên dema nû

Ji ber vê yekê jî meþa ber bi çiyan ve pêwiste mîna çalakiyeke bi serê xwe ya sembolîk neyê dîtin. Heke ji destpêkê heta bi dawiyê ji rêkirinê heta bi pêþwazîkirinê bi sedan çalakî li dora vê meþê xelek bi xelek neyên lidarxistin dê negihije armanca xwe.

Ya herî girîng jî ev çalakiya pîroz mîna dawiya merheleya yekemîn a 'Pêgava Êdî Bes e' û starta dema nû ya merheleya duyemîn a pêngavê ku derkeve asteke bilindir bê nirxandin.

Pêvajo gelekî nazik e, dek û dolap, konsept û komplo li dar in. Li hemberî van jî bilindkirina pêngava 'Êdî Bes e' ku di nava xwe de ji parastina rewa heta bi serhildanên gel, ji dîplomasiyê heta bi çalakiyên ciwan û jinan hembêz dike pê de tu rê û rêbaz tune ye. Ji ber vê yekê jî her mirovê kurd pêwîst e bi þîra 'HEMÛ RIYÊN AÞTÎ Û AZADIYÊ DI ÇIYAYÊN KURDISTANÊ RE DERBAS DIBIN' bi hemû hêza xwe beþdarî meþa ber bi çiyan ve û çalakiyên mîna xelekê li dora vê bên lidarxistin bibe. Her wiha ji bo bihar û havîna germ a ku tenê bi berxwedana gelê kurd dikare serkeftinê bîne re amade be.

abdulazî Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;