Mal Mamosta Silêman Rapora PE'yê ya sala 2008'an

Rapora PE'yê ya sala 2008'an

 
Ji sala 1998’an vir ve Parlamena Ewropayê der barê Tirkiyeyê de her sal raporekê amade dike. Ev rapor di çarçoveya guftûgoyên di navbera Tirkiye û YE’yê de tê amadekirin. Rayedarên ewropî bi riya van raporan pêþketinên li Tirkiyeyê diþopînin. Her wiha paþeroja guftûgoyan û asta têkiliyên di navbera YE û Tirkiyeyê de bi riya van raporan tê tespîtkirin.

Ji sala 2006’an vir ve raportorên PE’yê xanim Oomen Ruijten Ria ye amade dike. Weke raportorê dema borî, ev xanim jî bi eslê xwe Holandî ye û di Parlamena Ewropayê de endamê koma Xirîstiyan Demokratan e. Nêzîkatiya vê komê ji bo endametiya Tirkiyeyê zêde erênî nîn e. Kesên ku zêdetir li dijî endametiya yekser ya Tirkiyeyê derdikevin û di vî warî de xebatê dimeþînin endamên vê komê ne.

Hefteya borî, roja pêncþemê rapora xanim Oomen Ruijten Ria di komisyona karê derve de hate nîqaþkirin. Li gorî prosedûra PE’yê, beriya ku ev rapor bikeve nîqaþên civata giþtî divê ew di komisyona karê derve de derbas bibe.

Þeklê esasî ji aliyê vê komisyonê ve tê dayîn. Lê belê þeklê dawî ji aliyê civata giþtî ve tê pejirandin û dikeve dengdayînê. Li gorî rojeva PE’yê roja 23’yê meha nîsanê li Strasbourgê wê heman rapor di civata giþtî de were nîqaþkirin û bikeve dengdayînê.

Min nîqaþên hefteya borî ku di komisyonê de hatin kirin þopand. Di nîqaþan de pir parlamenteran, ên wek Hans Swoboda, Vittorio Agnolleto, Joost Lagendijk, Marinus Wiersma, Anna Maria Gommes û hwd. nêrînên xwe anîn ziman. Bi awayekî aþkera pêwîstiya bi çareseriyeke demokratîk ji bo pirsgirêka kurd hate bilêvkirin. Dîsa mijara ku zêdetir hate rexnekirin a der barê desthilatdariya artêþa tirk de bû. Li gorî naveroka vê projeya raporê, divê Tirkiye hê ji bo guhertina pir mijaran destûr bide da ku xwe nêzî YE’yê bike. Piþtî van nîqaþan, çarçoveya naveroka rapora xanim Oomen derket holê.

Di naveroka rapora xanim Oomen de hin pêþketinên ku li Tirkiyeyê çêbûne jî hatine ziman. Lê belê ev pêþketin li gorî prosedûra guftûgoyan nayên pejirandin. Lewma di raporê de hin rexne têne ziman û ji rayedarên tirk hewldanên bilez tên xwestin. Li gorî ku ez diþopînim, heke ji van daxwazên ewropiyan re bersiv neyên dayîn, bi awayekî serîgirtî, cemidandina hin xalên din, ên guftûgoyan jî tê fikirandin.

Di rapora PE’yê a îsal de der barê pirsgirêka kurd de jî hin xalên pêþketî hene. Bi awayekî dorfireh nebe jî, pêdiviya çareserkirina pirsgirêka kurd hinekî baþtir hatiye ziman. Lê belê, taybetî der barê rewþa kurdan de, weke demên borî di zimanê vê raporê de jî durûtiya YE’yê tê dîtin.

Pirsgirêka kurd di asteke pir asayî de tê dîtin. Ev jî diyar dike ku saziya YE’yê hê jî naxwaze pirsgirêka kurd bike xaleke ji ên rojeva pêvajoya guftûgoyan û bi rayedarên tirk re nîqaþan bike.

***

Der barê naveroka vê raporê û nîqaþan de, roja 3’ê nîsanê ez ê di quncikê xwe yê Yenî Ozgur Polîtîkayê de bi dorfirehî rawestim.

farasî Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;