Mal Hevî Berwarî Konfernasa li PE'yê

Konfernasa li PE'yê

 
Di hefteya borî de rojên 3 û 4’ê adarê li Bruxellesê, di Parlamena Ewropayê de Konferansekê hate lidarxistin. Çendî navê wê “Projeya Destûreke nû li Tirkiyeyê û Pirsgirêka Kurd” be jî armanca wê a esasî nîqaþkirina rêbazên ji bo çareseriya pirsgirêka kurd bû. Cara yekem e ku 3 Komên PE’yê bi hev re wiha konferansekê tanzîm dikin. Ev weke gaveke girîng dikare were dîtin.

Konferans ji aliyê komên Lîberal, Kesk û Sosyalîst ve hatibû amadekirin. Kesayetiyên weke Ahmet Turk, Serafettin Elçi, Sertaç Bucak, Cengiz Çandar, Hasan Cemal û hwd weke qiseker ji Kurdistanê û Tirkiyeyê hatibûn vê konferansê. Ji saziyên kurdan li Ewropayê jî pir kes hatibûn û di konferansê de amade bûn. Komîserê berpirsyarê firehkirina YE’yê Olli Rehn jî hat konferansê û axiftinekê kir. Cîgirê Serokê Koma Sosyalîstan li PE’yê Hannes Swoboda axiftina vekirinê kir. Piþtre endamên heman Parlamenê yên weke Joost Lagendijk û Andew Duff jî axifîn.

Dewleta tirk û partiyên wê yên siyasî nehatibûn vê konferansê. Rayedarên tirk tirsiyan ku ew ên nikaribin bibin bersiv ji bo pirsên beþdaran. Dibe ku wan nexwestibin di platformeke wisa de kurdan muxatab bigirin, ev jî nêrînek e.

Nivîskarê rojnameya Milliyetê Hasan Cemal der barê vê Konferansê de hin nêrînên xwe nivîsand û konferansê nirxand. Bêguman ên weke Hasan Cemal ji konferansê razî nebûn. Ji ber ku di wê platformê de kêmasiyên dewleta tirk pir hatin rexnekirin. Hasan Cemal dixwest ku hêza Rizgariya Gelê Kurd jî li wê derê were rexnekirin. Taybetî jî wî dixwest kurd hevdu rexne bikin. Lê belê wisa nebû, hemû qisekeran kêmasiyên dewleta tirk þermezar kirin.

Ez jî weke nûnerê Kongreya Neteweyî ya Kurdistanê di vê konferansê de amade bûm. Min jî du caran soz girt û hin nêrînên xwe anî ziman. Di axiftinên xwe de min xwest balê bikiþînim ser pêwîstiya bi guherîna mantalîteya li Tirkiyeyê. Heya ku di mantalîteya fermî de guherîn çênebe ez bawer nakim ku li vî welatî çareseriyên rast werin dîtin. Lewre min xwest ku rewþenbîrên tirk û rayedarên ewropî dev ji durûtiya xwe berdin û samimî nêzîkê lêgerîna li çareseriyê bibin. Ji bo vê yekê jî divê YE’yê rayedarên saziyên kurdan muxatab bigirin û li ser lêgerîna çareseriyê bisekinin.

Belê, bi tanzimkirina vê konferansê jî diyar e ku wê YE’yê der barê dîtina ji bo çareseriya pirsgirêka kurd de xwe berpirsyar dibîne. Lê belê em nikarin bêjin ku wê ev saziya ewropî çareseriyeke rast û maqûl bibîne. Hê jî di nêzîkatiya rayedarên vê Yekîtiyê de tê dîtin ku ew dixwazin tenê çareseriyeke li gorî berjewendiyên xwe bibînin. Ez wisa dibînim ku wê sala 2008’an ji van lêgerînên ewropiyan re malxoyî bike.

Divê em kurd ji van lêgerînên ewropiyan netirsin. Çendî ew li gorî berjewendiyên xwe li rêbazên çareseriyê bigerin jî ji bo me ya herî girîng ew e ku em di riya xwe a rast de têbikoþin û daxwazên xwe bi yek dengî bilind bikin. Lewre lazim e em bi xwe bawer bin.

***

Di van saetên ku ez van peyvan dinivsînim de Cejna Jinên Kedkar yên Cîhanê, roja 8’ê Adarê tê pîrozkirin. Ez vê rojê li hemû jinên cîhanê, taybetî jî li jinên têkoþerker ên kurd pîroz dikim.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;