Mal Azîz Ogur 'Lawên malê' çûn Enqereyê!

'Lawên malê' çûn Enqereyê!

 
Azadiya Welat roja yekþemê (06.04.2008) bi manþetê ‘Bi Gulekê bihar nayê!’ derket. Manþeta rojnameyê li ser radevuya Serokomar Abdullah Gul daye hin saziyên pîþeyî û rêxistinên sivîl ên Amedê bû.

Ew randevuya Azadiya Welat ji raya giþtî ya kurd re ragihandî îro pêk tê.

Lê mixabin heyeta ku çûye Enqereyê qels e û dê nikaribe temsîliyeta saziyên sivîl ên Amedê bike.

Ji bilî MAZLUMDER’ê saziyeke sivîl di nava heyetê de cih nagirin. Mînak Platforma Demokrasiyê ya Amedê hatiye deralîkirin. Nûnerên platformê di heyetê de cih nagirin. Ji ber vê helwestê ÎHD’ê jî xwe ji heyetê vekiþandiye. Ango ji gotina tirkî saziyên çûne Enqereyê ji ‘sen, ben ve bizîm oglan’ (tu, ez û lawê malê) pêk tê.

Erê ‘lawên malê’ dê li Enqereyê ji bo çareseriya pirsgirêka kurd çi bînin ziman. Duh ev noqte min ji Cîgira Serokê Giþtî ya ÎHD’ê Reyhan Yalçindagê pirsî. Yalçindag got; ‘Heyeta çûye Enqereyê dê di çarçoveya hin daxwazên aborî de raporekê pêþkêþ bike. Roporeke wisa rastiya Amedê û herêmê (bakurê Kurdistanê) nayîne ziman.’ Min ev noqte bi ducarkî ji Yalçindag pirs kir. Gelo ji Enqereyê îþareteke bi sînorhiþtina heyetê hatiye?

Yalçindagê got; ‘Ez di wê baweriyê de nîn im. Ji vir diqewime. Odeya Bazirganiyê car caran van organîzasyonan pêk tîne. Ligel odeyê Baro û yên din jî hene.’ Yalçindag gotinek bi bîr xist ku Platforma Demokrasiyê bi salan e heye û beriya niha bi Serokomarê demê Suleyman Demîrel re jî hevdîtin çêkirine.

Berê jî me ‘kerameta’ vê ku îro li Enqereyê ye anîbû ziman. Çu ‘kerametên’ wan nîn in. Têkiliyên wan ên bi AKP’ê re tenghiþtina vê heyetê ‘kerameta’ wan vedibêje.

Belasebep nabêjim. Ev heyet ji bilî MAZLUMDER’ê xwe wekî AKP’î nav dikin. Ji bilî saziya navborî tevahiya yekgirtiyên vê heyetê ew in ên li hemberî doza ji bo girtina DTP’ê bêdeng mayîn û ji bo doza girtina AKP’ê bi bangewaziyeke acîl li salona civînê ya Odeya Bazirganiyê ya Amedê civiyan û gotiye ‘Partiya me tê girtin kanê em ê çi bikin?’ Di salonê de dema ev gotin hatiye kirin nûnerê MAZLUMDER’ê îtiraz kiriye û gotiye; ‘Em saziyên sivîl in hewce nake xwe bi partiyekê re îfade bikin.’ Li ser vê îtirazê yekî din ji komê bi helwesteke dêmtirþ li derdorên xwe dinêre û dibêje; ‘Ka lê binêrin çu DTP’î di nav me de hene yan ne?’

Ev diyalog piþtî doza girtinê li AKP’ê hatiye vekirin di civîna vê heyeta ku îro li Enqereyê de hatine lêvkirin. Dibe sibê derketin van gotinên xwe înkar bikin. Lê tiþtekî ku nikaribin înkar bikin jî heye.

Abdulselam Odabaþi. Karsazekî Amedî ye û dezgehên wî yên bazirganiyê jî hene. Abdulselam Odabaþi di heman demê de Endamê Lijneya Rêveber a AKP’a Amedê ye. Li ser malpera partiyê wekî endamê lijneyê kurtejiyana wî jî heye. Di kurtejiyana xwe de damezrîneriya xwe ya ji komeyên karsazan DÎSÎAD û GUNSÎAD’ê bi lêv kiriye lê pêdivî pê nedîtiye ku Serokatiya Meclîsa Odeya Pîþesazî û Bazirganiyê ya Amedê (DTSO) bi bîr bîne.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;