Mal Mem Mîrxan Îdianameya AKP'ê îade dibe

Îdianameya AKP'ê îade dibe

 
Heke çu teqleyên din neyên vêxistin îro Dadgeha Makeqanûnê dê dosyaya ji bo girtina AKP’ê binirxîne. Raportor îdianameya Serdozgerê Komarê yê Dadgeha Bilind Abdurrahman Yalçinkaya ya ji bo girtina AKP’ê nirxand û nêrîna xwe bi raporekê ji Dadgehê Makeqanûnê re þand. Îniya borî li ser çarçoveya raporê hin agahî hatin dayîn. Li gorî agahiyên hatine dayîn raportor li cihê ku nêrîneke biserober îfade bike; du îhtimal vegotine. Yek ji wan; ji ber ku delîlên hatine nîþandan têr nakin dibe ku dadgeh dosyayê îade bike. Îhtîmala duyemîn jî ew e ku dadgeh îdianameyê ji bo vekirina dozê têr bibîne û prosedurê darizandinê bide destpêkirin.

Ligel rîska ji bo nêrîneke tekûz, qebûlkirina îhtimala yekemîn çêtir dikeve riya aqil. Ango Dadgeha Makeqanûnê dê îdianameyê têr nebîne û ji dosyayê îadeyî Serdozgeriya Komarê ya Dadgeha Bilind bike.

Tesarufeke wisa ya Dadgeha Makeqanûnê dê rê li ber hin þîroveyan veke. Lê piraniya raya giþtî ya tirk ku di serî de beþeke mezin a medyayê dê ji vê biryarê razî bixuyê. Lewra Serdozgeriya Komarê ji bo demekê dosyayê dê di destê xwe de bihêle û dosya dê wekî þûrê demokles li ser serê AKP’ê û Erdogan bê hiþtin.

Lê heke îhtîmala duyemîn pêk bê; vê carê bingeha lihevkirina AKP’ê û eniya neteweperest ji holê radibe û raya hilbijêrên AKP’î dê di nava xwe de bibe du qisim. Qismek ji wan dê ligel Erdogan tevbigere û dê li gorî teza ‘Tirk-Îslam’ tevbigere. Qismê din jî dê di nava xwe de bibe du qisim. Yek ji wan dê nêzî rastiya xwe ya olperestiyê bibe. Yên dimînin jî dê nêzî Tevgera Kurdistanî bibin. Ango AKP dê belave bibe. Lê pergala fermî ji ber ku alternatîfeke wan nîne parçebûna AKP’ê naxwaze.

Dimîne îhtîmala yekemîn. Ango Dadgeha Makeqanûnê dê di çarçoveya du bijartekên raportor de dosyaya AKP’ê binirxîne û dosyayê îade bike. Biryareke bi vî rengî dê bê wateya peytkirina ‘Eniya Neteweyî’ ya li hemberî gelê kurd. Jixwe ev ji hefteyekê zêdetir e hewldanên ji bo peytkirina vê eniyê hebûn. ‘Saziyên sivîl’ ên patika wan bi qirêj demeke ji bo vê peytkirinê Enqere ji xwe re kiriye baregeh. Ligel biryara Dadgeha Makeqanûnê dê baregeha xwe belave bikin. Pêr Erdogan got; ‘siyasetmedar gavan pêþve diavêjin. Lê heke þaþîtî hebin, dê vegera ji þaþîtiyê jî hebe.’ Li gorî bernameya hatiye aþkerakirin þevê dî jî hevdîtina wî ya bi Gul re pêk bihata.

Îhtîmalên ji bo vê yekê zêde nîn in. Dewleta tirk ji bo demekê kêf kir û got me ruha kurdan a zindî teslîm girt û Tevgera Kurdewer tepeser kir. Lê ligel pêngava ‘êdî bes e’ bi taybetî jî mitînga Amedê ya di cotmeha 2007’an de pêk hatî pê ve derket holê ku rastî ne wisa ye. Kurdan dest ji daxwazên xwe yên ji bo mafên xwe yên kolektîf bernedaye û li hêza xwe zêde kiriye. Çalakiyên Gabar û Oramarê, meþa Qesrokê, Berxwedana Zapê, meþa Amedê, pîrozbahiyên Newrozê û berxwedana Wan, Sêrt, Colemêrg û Geverê sewdayê siyaseta tirk ji serî bir.

AKP dê vê rewþê bi kar bîne û ligel biryara Dadgeha Makeqanûnê ya îadekirina îdianameyê dê bibe þerkêþa ‘Eniya Neteweyî’ ya li hemberî gelê kurd. Ango îro li Enqereyê Dadgeha Makeqanûnê ligel biryara xwe ya ji bo îadekirina îdianemayê dê peytkirina ‘Eniya Neteweyî’ ya li hemberî gelê kurd jî deklere bike.

Zêde nakêþe. Piþtî çend saetan ev biryar dê bê aþkerakirin.

Ev navnîþana maîlê ji bo botên spaman hatiye parastin, ji bo hûn bibînin divê Javascripta we vekirî be

Users' Comments (0)

Only registered users can comment an article. Please login or register.

No comment posted

Jêr; A beriya wê		A piþtî wê jor;